• USD 468.56

  • EUR 497.56

  • RUB 7.3

  • CNY 67.18

29 Naýryz, 11:00:10
Almaty
+35°

Qaraǵandy ​​oblysynyń ákimi Jeńis Qasymbek koronavırýstyń jappaı taralýyna baılanysty Temirtaý jáne Buqar jyraý ákimderine sógis jarııalady. Bul týraly Qamshy.kz aqparat agenttigi Tengrinews deregin negizge alyp habarlaıdy. 

J. Qasymbek qaladaǵy koronavırýstyń órshýine Temirtaý qalasynyń ákimi Ǵalym Áshimov pen Buqar jyraý aýdanynyń ákimi Shagýrashıd Mamalınovtiń qyzmet barysyndaǵy jibergen olqylyqtary sebep bolǵan dep esepteıdi. 

Ol óz sózinde "Nurqazǵan" kenishindegi jumysshylardyń jappaı vırýs juqtyrýyn aldyn-alýǵa bolar edi dep atap ótti.

– О́ńirlerdegi ákimder koronavırýstyń taralý qaýpin túsinbeıdi. Jedel áreket etip, basqa memlekettik organdarmen birge áreket etý degen joq. О́ńirdegi epıdemıologııalyq jaǵdaıdy turaqtandyrý boıynsha sharalar kúsheıtilmegen. Munyń tikeleı nátıjesi, atap aıtsaq, ýaqytyly qabyldanbaǵan sharalar Temirtaý men Botaqara aýdanynda jappaı vırýstyń taralýy. Osyǵan baılanysty men qalany qalypqa keltirý úshin eki ákimge tártiptik jaza retinde sógis jarııalaımyn, – dedi Jeńis Qasymbek.

Sondaı-aq, ​​oblys basshysy kóp jaǵdaıda shekteý sharalaryn saqtamaıtyn turǵyndardyń uqypsyzdyǵyn jeke ózi qadaǵalaıtynyn atap ótti.

– Men kún saıyn kóshede turǵyndardyń betperde kımeı júretinin, qashyqtyqty saqtamaı jınalǵandaryn baqylap, kórip otyramyn. Munyń adamdarǵa asa qaýipti ekenin túsindirý qajet, – dedi Jeńis Qasymbek.

Esterińizge sala keteıik, oblysta sońǵy táýlikte COVID-19 juqtyrýdyń 33 jaǵdaıy tirkelgen. Jalpy vırýs juqtyrǵandar – 595, qaıtys bolǵan – 3, al emdelip shyqqandar – 190.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir