• USD 412.55
  • EUR 468.66
  • RUB 5.79
  • CNY 58.8

25 Mamyr, 2020 NEWS

B. Saǵyntaev: Oqýshynyń jetistigi – ustazdyń abyroıy, eńbeginiń nátıjesi

pinterest.ru

Almaty qalasynyń ákimi Baqytjan Saǵyntaev mektep túlekterin sońǵy qońyraýmen quttyqtady. Bul týraly Facebook paraqshasynda jazdy.

– Búgin mektep túlekteri úshin eń mańyzdy kún. Almatyda 9299 mektep túlegi úlken ómirge qanat qaqty. Sonyń ishinde 545 túlek – «Altyn belgi» ıegeri, 714 oqýshy oqý ozaty atandy. Bıyl mektepterde sońǵy qońyraý alǵash ret onlaın túrde soǵyldy. Mektep dırektorlary men ustazdar bul kúnniń sán-saltanatyn kelistirip, sezindirý úshin qoldan kelgendi jasady. Qyrýar eńbek atqaryldy, – dedi B Saǵyntaev.

Sondaı-aq ol tórtinshi toqsanda sabaqtar qashyqtan ótkenin aıtyp, oqý prosesiniń úzilmeýi úshin jedel iske kiriskenderin atap ótti.

– Qurmetti ustazdar, oqýshylar jáne olardyń ata-analary! Biz qıyn sátti birlese eńsere bildik. Tájirıbe jınaqtadyq. Bul – bolashaqtaǵy zaman synaǵyna laıyqty tótep berýimizge qajet tájirıbe. Bıylǵy túlekter mektepti onlaın támamdaǵan pıonerler boldy. Qolaısyz jaǵdaıda da bilimge erekshe qushtarlyq tanyttyńyzdar. Balalarǵa qoldaý kórsetken ata-analarǵa myń alǵys. О́z mindetterin múltiksiz atqarǵan muǵalimderge rahmet, – dep aıtty shahar basshysy.

Sóz sońynda barsha túlekterdi sońǵy qońyraýmen quttyqtap, aq jol tiledi.

– Qurmetti túlekter! О́mirlerińizdiń jańa paraǵyn ashqaly tursyzdar. Bilim kókjıegin keńeıtýge múmkindik kóp. Qaı mamandyqty tańdasańyz da, sol mamandyqtyń bilgir mamany bolyp shyǵýǵa tyrysyńyzdar. Tabandylyq – arman men maqsatyńa aparar alǵashqy qadamyń. Oqýshynyń jetistigi – ustazdyń abyroıy, eńbeginiń nátıjesi. Aq jol!, – dedi B. Saǵyntaev.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir