• USD 411.66
  • EUR 465.92
  • RUB 5.81
  • CNY 58.79

25 Mamyr, 2020 NEWS

Eńbek qatynastary sıfrlandyrylady

Kórneki sýret

Qazaqstan Respýblıkasy Prezıdentimen 2020 jylǵy 4 mamyrda Qazaqstan Respýblıkasynyń keıbir zańnamalyq aktilerine eńbek máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna (budan ári - Zań) qol qoıyldy. Zańnyń 2-babyna sáıkes, alǵashqy resmı jarııalanǵan kúnnen keıin kúntizbelik on kún ótken soń, ıaǵnı 2020 jylǵy 16 mamyrdan bastap qoldanysqa engizildi. Bul týraly Shyǵys Qazaqstan óńirlik kommýnıkasııalar qyzmetinde ótken brıfıng barysynda ShQO memlekettik eńbek ınspeksııasy basqarmasy basshysy Baqytbek Qızatov málim etti.

- Eńbek qatynastaryn retteýdiń qazaqstandyq modeli qyzmetkerler men jumys berýshiler múddeleriniń teńgerimin, áleýmettik dıalogty qamtamasyz etý negizinde damýda. Zańǵa engen ózgerister eńbekke aqy tóleý, qyzmetkerlerdi jaldaý, jumystan bosatý jáne aýystyrý, áleýmettik áriptestik, eńbek qaýipsizdigi jáne eńbekti qorǵaý jónindegi máselelerdi qamtıdy, - dedi Baqytbek Qızatov.

Aıta keteıik, Zańǵa sáıkes Qazaqstan Respýblıkasynyń 5 Kodeksine jáne 6 Zańyna ózgerister men tolyqtyrýlar engizildi.

Brıfıng barysynda basqarma basshysy Eńbek kodeksine (budan ári - Kodeks) eńbek sharttaryn esepke alýdyń biryńǵaı júıesi týraly túsinik engizilgenin atap ótti. Bul eńbek sharttaryn, eńbek qyzmetin jáne qyzmetkerler sanyn esepke alýdy avtomattandyrýǵa arnalǵan aqparattyq júıe.

- Elektrondyq eńbek sharttaryn engizý, qyzmetker men jumys berýshiniń eńbek qatynastarynyń ashyqtyǵyn qamtamasyz etedi, eńbek quqyqtaryn saqtaý monıtorınginiń tıimdiligin arttyrady, qujattardy qoldan jasaý qaýipin boldyrmaıdy jáne jumysqa ornalastyrý prosesin jedeldetedi. Endi engizilgen ózgeristerge sáıkes, qyzmetker eńbek sharttaryn esepke alýdyń biryńǵaı júıesinen eńbek sharty jáne óziniń eńbek qyzmeti týraly málimetterdi alýǵa, al jumys berýshi eńbek sharttaryn esepke alýdyń biryńǵaı júıesinen úmitkerlerdiń de (olardyń aldyn ala kelisimimen) jáne qyzmetkerlerdiń eńbek qyzmeti týraly málimetterdi alýǵa quqyly. Sondaı-aq, Kodekske sáıkes, jumys berýshi qyzmetkermen eńbek shartyn jasasý jáne toqtatý, oǵan engizilgen ózgerister jáne (nemese) tolyqtyrýlar týraly, sondaı-aq keıbir málimetterdi eńbek sharttaryn esepke alýdyń biryńǵaı júıesine engizýge mindetti, - dedi Baqytbek Qızatov.

Basqarma basshysynyń aıtýynsha, eńbek shartyn jasasý, oǵan ózgerister men tolyqtyrýlar engizý elektrondyq sıfrlyq qoltańba arqyly kýálandyrylǵan elektrondyq qujat nysanynda júrgiziledi. Bul jumys berýshiniń eńbek shartyn qaǵaz júzinde ǵana  jasasýdy alyp tastaýǵa da múmkindik týǵyzady.

- Kadrlyq is júrgizýdi sıfrlandyrý maqsatynda, jumys berýshi qyzmetkerdiń eńbek shartynda (jumysty oryndaý orny, eńbek shartynyń merzimi, laýazymy, jumys ýaqyty men tynyǵý ýaqytynyń rejımi jáne t.b.) kózdelgen eńbek qyzmeti týraly aqparatty, eńbek sharttaryn esepke alýdyń biryńǵaı júıesine (EShEABJ) engizýge mindetti.

Qazirgi ýaqytta, Mınıstrlik elektrondyq eńbek sharttaryn engizý boıynsha pılottyq jobany júzege asyrýda, onyń aıasynda bizdiń oblysta 2129 uıym jasalǵan eńbek sharttary týraly 99745-ten astam málimetter engizildi, - dedi Baqytbek Qızatov.

ShQO aqparat ortalyǵy 

Ilmek sózder: eńbek qatynasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir