• USD 412.55
  • EUR 465.73
  • RUB 5.79
  • CNY 58.91

25 Mamyr, 2020 NEWS

Ashat Aımaǵambetov: "Sizder Qazaqstannyń tarıhynda ǵana emes, álem tarıhyndaǵy erekshe túleksizder!"

bilimdinews.kz

Bilim jáne ǵylym mınıstrligi Ashat Aımaǵambetov bıylǵy mektep, joǵary oqý oryndarynyń túlekterin, olardyń ata-analaryn oqý jylynyń aıaqtalýymen quttyqtap, sáttilik tiledi.

Qymbatty oqýshylar, qurmetti áriptester, ardaqty ata-analar men túlekter!

Barlyǵymyz úshin bıylǵy 25 mamyr erekshe formatta ótip jatyr.

Álemdik pandemııa bizdiń kúndelikti ómirimizdi túbegeıli ózgertti.

Bıylǵy oqý jyly 4 mıllıonnan astam oqýshy men stýdenttiń esinde qashyqtan oqytý formatyna kóshýmen saqtalady.

Qysqa ýaqyttyń ishinde barlyǵyńyz jumysty durys uıymdastyra bildińizder. Bul – muǵalimderdiń, ata-analardyń, oqýshylardyń birlesken áreketiniń nátıjesi dep bilemin.

Búgin men árqaısyńyzǵa jeke-jeke úndeý tastaǵym kelip otyr. Sizder jańa jaǵdaıda jaqsy nátıjelerge qol jetkizip, erlik tanyttyńyzdar. 

Ustazdarǵa degen alǵysymdy bir sózben jetkizý múmkin emes. Sizder qıyn jaǵdaıǵa qaramastan, oqýshylardy bilim nárimen sýsyndatyp, oqytý barysynda tynymsyz eńbek ettińizder.

Sizderdiń arqalaryńyzda tórtinshi toqsan tolyqtaı qashyqtan oqytý formatynda ótti, bul – bilim salasynda buryn-sońdy bolmaǵan oqıǵa.

Qıyn kezde balalaryna tireý bola bilgen ata-analardyń da eńbegi ólsheýsiz.

Sizderdiń qoldaýlaryńyz, balalaryńyzǵa úıde otyryp bilim alýǵa jaǵdaı jasaýlaryńyz qashyqtan oqytýdy uıymdastyrýǵa múmkindik berdi.

Iá, syn kóp aıtyldy, degenmen sizder túsinistik tanytyp, jeńil qabyldadyńyzdar. Sol úshin sizderge alǵys aıtamyn.

Oqýshylarǵa degen rızashylyǵym sheksiz. Olar jaýapkershilikti ata-analarymen teńdeı bólisip, tártipti jáne alǵyr bola bildi. Endi, mine, bilimge degen qushtarlyqty joǵaltpaı, oqý jylyn oıdaǵydaı aıaqtap jatyr. Bul – shyn máninde eresek adamdarǵa tán qasıet.

2020 jyldyń túlekterine jeke toqtalǵym keledi.

Qurmetti mektep bitirýshileri, kolledj ben ýnıversıtet túlekteri! Árkim bolashaǵynyń jarqyn bolǵanyn armandaıdy. Sizder myqty ǵalym, tabysty kásipker ǵana emes, adamgershiligi mol, jaqsy adam, bıik tulǵa bolatyndaryńyzǵa senimdimin.

Táýekelge barý arqyly ǵana árkim ózi armandaǵan mamandyqtyń ıesi bola alady. Eń bastysy, múmkindikterdi paıdalana bilý kerek. Esh qoryqpańyzdar.

Alǵan betten qaıtpaý – óte mańyzdy ekenin bilemin. Naqty qadam jasap, oıyńyzdaǵyny iske asyrý qajet. Máselen, men mektep bitirgen soń birden grantqa túse almadym. Odan uıalýdyń qajeti joq. Meniń aldymda eki tańdaý turdy: birinshisi – aqyly túrde oqý, ekinshisi – bir jyl daıyndalyp, keıin Ulttyq biryńǵaı testileýdi qaıta tapsyrý. Sol kezde bir jyl daıyndalyp, testti qaıta tapsyramyn dep sheshtim. Bir jyl ýaqytymdy tabandy daıyndyq pen jumysqa arnadym. Nátıjesinde kelesi jyly armandaǵan grantqa qol jetkizdim.

Jaqynda basym kópshiligińiz UBT tapsyrasyzdar.

Testileýden qorqýdyń qajeti joq, bul jaı ǵana synaq, onyń ústine bul ómirlerińizdegi eń jeńil emtıhannyń biri bolmaq.

Aınaladaǵy adamdar qoldaryńnan eshteńe kelmeıdi dese de, tabandylyq pen sabyrlyq, kúndelikti qajyrly eńbek pen alǵa qoıǵan maqsattaryńyz belgili bir nátıje ákeletinin esten shyǵarmańyzdar.

Nátıje óz betimen kelmeıdi, ol qatelikpen qatar júredi. Kishkentaı kezimizden bizdi qatelik jasaý durys emes, keshirimsiz dep sendirgen. Mektep qabyrǵasynan bastap qatelik jasamaý – bizdiń sanamyzǵa quıylyp keldi. Tabysty adam eshqashan qatelespeıdi degen qate uǵym qalyptasty. Alaıda bári qatelik jasaıdy, eń bastysy – odan sabaq alyp, tájirıbe jınaqtaı bilý qajet. Qatelik jasap, bárin qaıta bastaýdan qoryqpaý kerek.

Qymbatty jas túlek!

Sizder Qazaqstannyń tarıhynda ǵana emes, álem tarıhyndaǵy erekshe túleksizder!

Sizder jaqsy tájirıbe jınaqtap, oı túıip, álemdi jaqsartýǵa úles qosasyzdar dep senemin.

Elge paıdasy tıetin jańalyq ashyp, tolaǵaı tabysqa jetesizder dep úmittenemin. Sizder tamasha kezeńde ómir súrip jatyrsyzdar, óıtkeni qazirgi kezeń – armandaıtyn, batyl sheshimder qabyldaıtyn ýaqyt.

Belgisizdik pen ózgeristerdiń ýaqytynda sizderdiń basty qundylyqtaryńyz adaldyq, ádildik, mahabbat, qarapaıymdylyq pen batyldyq bolýy kerek.

Sáttilik serik bolsyn!

Armandaryńyzǵa qol jetkizip, ómir qundylyqtaryn esten shyǵarmańyzdar.

Mereke qutty bolsyn!

Ashat AIMAǴAMBETOV,

 Qazaqstan Respýblıkasynyń Bilim jáne ǵylym mınıstri

Ilmek sózder: Ashat Aımaǵambetov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir