24 Mamyr, 2020 NEWS

Bas sanıtar dáriger: Koronavırýsqa qatysty shekteý sharalary kúsheıtildi

beta.egov.kz

Qazaqstannyń Bas memlekettik sanıtar dárigeri Aıjan Esmaǵambetova Qazaqstan Respýblıkasynyń halqy arasynda koronavırýs ınfeksııasynyń aldyn alý jónindegi sharalardy odan ári kúsheıtý týraly qaýly qabyldady.

Qazaqstanǵa shetelden keletin barlyq adam 2 táýlikke deıin COVID-19-ǵa zerthanalyq tekserý júrgizý úshin karantındik stasıonarda oqshaýlanady.

COVID-19 aýrýynyń belgisi bar adamdar karantındik stasıonarǵa emes, provızorlyq stasıonarǵa emdeýge jatqyzylady.

Shekaradan ótken soń 5 kúnnen keshiktirilmeı PTR zerthanalyq tekserýde teris nátıje kórsetken anyqtamasy bar shet elden kelgen adam úıde (úı karantın) 14 táýlik boıy oqshaýlanady.

Alǵashqy eki kúnde COVID-19-ǵa zerthanalyq tekserý nátıjelerin alǵannan keıin oń nátıjeli adamdar emdelý úshin ınfeksııalyq stasıonarǵa aýystyrylady, COVID-19-ǵa teris nátıjeli adamdar 12 táýlik boıy úı karantıninde oqshaýlanady. Úıde oqshaýlaý úshin jaǵdaı bolmaǵan kezde jergilikti atqarýshy organ belgilegen úı-jaılarda oqshaýlaý usynylady.

Qazaqstanǵa shet elden kelgen dıplomatııalyq, konsýldyq mekeme jáne halyqaralyq uıymdar ókildiginiń qyzmetkerleri jáne olardyń otbasy músheleri tekseristen ótedi jáne 14 táýlik boıy úı jaǵdaıyndaǵy karantınge alynady.

Avıakompanııalardyń ekıpajdary, lokomotıv brıgadalarynyń músheleri qońyraý shalý arqyly (múmkindiginshe beıneqońyraý shalý) turǵylyqty (kelgen) jeri boıynsha medısınalyq baqylaýǵa jatady.

Vahtalyq ádispen jumys isteıtin, «Teńizshevroıl» JShS obektilerinen demobılızasııalanǵan adamdar COVID-19-ǵa zerthanalyq tekserý júrgizý úshin kelgen orny boıynsha karantındik stasıonarda 2 táýlikke deıin oqshaýlaýǵa jatady, oń nátıjeli adamdar emdeý úshin ınfeksııalyq stasıonarǵa aýystyrylady, COVID-19-ǵa teris nátıjeli adamdar 12 táýlik boıy úıde (úı karantıni) oqshaýlanady. Úıde oqshaýlaý úshin jaǵdaı bolmaǵan kezde jergilikti atqarýshy organdar aıqyndaǵan úı-jaılarda oqshaýlaý usynylady.

Qaýlynyń tolyq mátinimen komıtettiń saıtynda tanysýǵa bolady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir