Almaty polısııasy ákimdik qyzmetkerlerimen birlesip, halyqty karantın normalaryn saqtaý boıynsha aqparattandyrýdy kúsheıtýge baǵyttalǵan reıdtik sharalardy bastady. Bul týraly qala ákimdiginiń baspasóz qyzmeti habarlady.
– Birinshiden, biz búginde azamattardyń jeke qorǵanýynyń negizgi quraldarynyń biri bolyp tabylatyn maska rejımin saqtaý týraly aıtyp otyrmyz. Tájirıbe kórsetkendeı, keıbireýler tipti karantınniń erejelerin saqtaýdy toqtatty: olar medısınalyq maskalardy alyp tastap, qonaqqa baryp júr, qoldy jáne úılerin antıseptıkpen súrtýdi umytyp ketken. Qanshalyqty dóreki kórinse de, bul koronovırýstyq ınfeksııanyń taralýyna tikeleı áser etetin faktorlar, bul ınfeksııanyń taralýy úshin qolaıly orta. Osyǵan oraı, qalalyq bılik jappaı azamattar men qoǵamdyq kólikterde túsindirý jumystaryn kúsheıtti.Qazir tańerteńnen bastap polısııa qyzmetkerleri men aýdan ákimdikteriniń arasynan ondaǵan mobıldi toptar quryldy, – dedi, Almaty qalalyq polısııa Departamenti bastyǵynyń birinshi orynbasary, polısııa polkovnıgi Nurlan Almasbekov.
Sonymen qatar, tártip saqshylary maska rejımin, áleýmettik qashyqtyqty jáne karantın talaptaryn qatań saqtaýǵa shaqyrady. Bul sizdiń jáne jaqyndaryńyzdyń densaýlyǵynyń qaýipsizdiginiń kepili.
Almaty qalalyq polısııa Departamenti Baspasóz qyzmeti
Pikir qaldyrý
pikir