Almatydaǵy QMDB ǵımaratynda elimizge belgili óner adamdarynyń qatysýymen qaıyrymdylyq sharasy ótti. Igi sharaǵa qazaq óneriniń tanymal ókilderi Meırambek Besbaev, Sáken Maıǵazıev, Erǵalı Əbdiraıymov, Erdos Qanaev, Gúlmıra Aqúrpekova, Janar Aıjanova qatysty, dep jazady muftyat.kz.

Shara barysynda QMDB Din isteri jáne taldaý bóliminiń meńgerýshisi Nurbek qajy Áýeshanuly QMDB Tóraǵasy, Bas múftı Naýryzbaı qajy Taǵanulynyń Ramazan aıymen quttyqtaý sálemin jetkizip, demeýshilik jasaǵan qazaq óneriniń tanymal ókilderine alǵys aıtty.

Qasıetti Ramazan aıynyń qurmeti úshin uıymdastyrylǵan ıgi sharada baspanaǵa asa muqtaj  otbasyna «El úlesi – páterge» qaıyrymdylyq aksııasynyń 208-úıiniń kilti tabystaldy.

Baspana kilti Almaty oblysynyń turǵyny, kópbalaly ana Aınur Saparovaǵa buıyrdy.

Almaty óńiriniń bas ımamy Qýanysh Baqytbekuly baspanaly bolǵan otbasyna Bas múftı atynan syılyqtar tabys etti.

Múftııat pen óner ókilderi birlese atsalysqan qaıyrymdylyq is-shara aıasynda 50 muqtaj otbasyǵa azyq-túlik salynǵan aýyzashar qorjyny taratyldy.

"Qamshy" silteıdi
Ilmek sózder: qaıyrymdylyq shara

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir