Oqýlyqtardy tapsyrý jumysy keste boıynsha júrgizilýi qajet

Oqýlyqtardy tapsyrý jumysy keste boıynsha júrgizilýi qajet. Bul týraly MO qoǵamdyq kommýnıkasııa ortalyǵynda ótken brıfıngte Mańǵystaý oblysynyń bilim sapasyn baqylaý departamentiniń basshysy Esbolat О́mirzaq habarlady.

Bilim berý uıymdary men muǵalimderden suralatyn eseptilikterdiń sanyn shekteý týraly 6-sáýirde 130-buıryq qabyldandy. 25-mamyr kúni ótetin sońǵy qońyraýdy árbir synyp jetekshisi óz oqýshylarymen ótkizetin bolady. Oqý jylynyń aıaqtalýyna baılanysty oqýlyqtardy mektep kitaphanasyna tapsyrý jumysy da bekitilgen keste boıynsha ret-retimen júrgiziledi. Taǵy aıta ketetin jáıt, muǵalim eńbek demalysyna shyǵýyna baılanysty mektep oqýshylaryna oqýlyqtaryńyzdy tez arada tapsyryńyz dep, mektepke toptap shaqyrýǵa bolmaıdy. Al jospar boıynsha Ulttyq Birińǵaı Testileý belgilengen ýaqyt boıynsha ótpek. 

«Onlaın sońǵy qońyraý» sharasy belgili bir merzimde ótkizilmeıdi. Ikemdi keste boıynsha ótedi. 3-4 maýsymda ótetin atestat berý kezinde saqtyq sharalary qatań saqtalýy qajet. Eger saqtyq sharalary saqtalmaı, aıtylǵan usynystar eskerilmeıtin bolsa, bizdiń tarapymyzdan tıisti ákimshilik shara alynýy múmkin»,- dedi Mańǵystaý oblysynyń Bilimsalasyndaǵy baqylaý departamentiniń basshysy Esbolat О́mirzaq .