23 Mamyr, 2020 NEWS
qamshy.kz
Dımash Nııazov WBC (Dúnıejúzilik boks keńesi) uıymynyń «Álem batyry» marapatyna ıe boldy. Bul týraly Dımash Nııazov óziniń Instagram paraqshasynda habarlaǵan.
Boks qaýymdastyǵynyń ókilderi, Dımash Nııazovqa COVID-19 pandemııasy keń taraǵan qıyn kezeńde jumys isteýdi jalǵastyrǵany úshin alǵys aıtqan.
"Men WBC taǵaıyndaǵan "Álem batyry" ataǵyna ıe boldym. WBC qaýymdastyǵyna eńbegimdi elep, osyndaı ataq bergeni úshin alǵys aıtamyn. Men ári qaraı da óz jumysymdy úlken yqylaspen jalǵastyryp, menen keıingi baýyrlaryma úlgi bolýǵa tyrysamyn. Men muny baǵalaımyn", - dep jazǵan Dımash Nııazov.
Dımash Nııazov Shymkent qalasynda dúnıege keldi, 13 jasynda ata-anasymen AQSh-qa kóshedi. Keıin jergilikti polısııa qyzmetinde jumys isteıdi, sonymen qatar kásipqoı bokspen aınalysady. Budan bólek Dımash Nııazov Nıý-Iork polısııasyndaǵy qyzmeti úshin arnaıy tósbelgini de alǵan bolatyn. Ol bokstaǵy kóptegen bedeldi kýboktardyń ıegeri jáne «Nıý-Iorktegi eń úzdik polısııa ofıseri» ataǵyna ıe bolǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir