Almatyda taǵy 380 «Sergek» kamerasy ornatylady

Almaty qalasynda qazirgi ýaqytta 404 «Sergek» kamerasy jumys isteıdi.

Almatyda 4 aıdyń qorytyndysy boıynsha tirkelgen jazataıym oqıǵalardyń sany 28,4%-ǵa azaıdy. Barlyǵy 765 jazataıym oqıǵa tirkeldi, sonyń saldarynan 23 adam qaıtys boldy, 884 adam jaraqat aldy.

– Apattar sanynyń azaıýy «Sergek» APK beınebaqylaý kameralaryn ornatýmen baılanysty bolyp otyr.  Qazirgi ýaqytta Almatyda 404 «Sergek» kamerasy jumys isteıdi.  2020 jyldyń aıaǵyna deıin qosymsha 380 kamerany (210 jol qıylysy, 170 syzyqty aımaqtarda) ornatý josparlanýda.  2020 jyldyń 4 aıynda «Sergek» APK kameralarynda 60 myńnan astam jol qozǵalysy erejeleriniń buzylýy anyqtaldy.  436 mıllıon teńgeden astam somada aıyppul salyndy.  Sondaı-aq, qalada 105 posttan turatyn «BDD» AAJ quryldy.  Kameralar ornatylǵan jerlerde jyl saıyn jol qozǵalysy erejeleriniń buzylýy 20%-ǵa tómendeýde. Osy jyldyń 4 aıynda «BDD» AAJ 77 myńnan astam jol qozǵalysy erejelerin buzýshylyqty anyqtady.  394 mıllıon teńge kóleminde aıyppul salyndy, – dedi Almaty polısııa general-maıory Qanat Taımerdenov.

Jyl basynan beri qala joldarynda 214 506 jol erejelerin buzý faktileri anyqtaldy.  1 mıllıard 267 mıllıon 533 myń teńge aıyppul salyndy.

– Barlyǵy 76 648 ereje buzýshy ákimshilik jaýapkershilikke tartyldy, onyń ishinde 74 479 júrgizýshi,  276 júrgizýshi mas kúıinde kólik júrgizgeni úshin ustalǵan.  Sot 379 júrgizýshini kólik quralyn basqarý quqyǵynan aıyrdy. 235 júrgizýshi  ákimshilik qamaýǵa alyndy.  Qaladaǵy kólikter parki - 536 myń 341 kólik quralyn quraıdy, – dedi Qanat Taımerdenov.