22 Mamyr, 2020 Áleýmet

Mańǵystaý oblysynyń mádenıet qyzmetkerleri marapattaldy

qamshy.kz

Mańǵystaý oblysynda "Mádenıet jáne óner qyzmetkerleri" kúnine arnalǵan saltanatty shara ótti. О́nerdi ómirine serik etken jandardy kásibı merekesimen oblys ákiminiń orynbasary Qanybek Jumashev quttyqtap, sala mamandarynyń qoǵamdaǵy róline erekshe toqtaldy.  Basqosýda tól mereke ıeleri marapattalyp, qoshemetke bólendi. Mádenıet jáne sport mınıstrliginiń "Mádenıet salasynyń úzdigi" tósbelgisimen sazger, balalar aqyny Kómek Ybyraıuly,  M.О́skinbaev atyndaǵy oblystyq fılarmonııasy, kishi sımfonııalyq orkestriniń ártis-aspapshysy Tursyngúl Meńdiǵalıeva, Abyl Taraquly atyndaǵy ult-aspaptar orkestriniń ártisi Ajar Kóbegenova, N.Jantórın atyndaǵy oblystyq mýzykalyq drama teatrnyń aktrısasy Maıra Baqberdıeva jáne "Aqtaý qalalyq ortalyq kitaphana" dırektorynyń m.a Nurııash Egdirbekova marapattaldy.

Mańǵystaý oblysy ákimi Serikbaı Trumovtyń alǵys hatymen MO qýyrshaq teatrynyń akteri Erjan Bıgashev, aıtysker aqyn Farhad Mýsaev, Art "О́ner" galereıasynda sýretshi, bezendirýshi Aımurat Tańatarov,  MO kıno jáne mádenı qyzmet kórsetý ortalyǵy dırektorynyń orynbasary Zlıha Saparova marapattaldy. Sondaı-aq qala-aýdandardaǵy 17 mádenıet qyzmetkerdiń qatysa almaýyna baılanysty, oblys ákiminiń marapaty aýyldaryna joldandy. Taǵylymdy sharada teatr, fılarmonııa ártisteri óz ónerlerin ortaǵa saldy. Onlaın formattaǵy basqosý MO mádenıet, tilderdi damytý, arhıv isi basqarmasynyń basshysy Pánııa Sarmýrzınanyń jáne mádenıet qyzmetkerleriniń qatysýymen ótetin onlaın-suhbatqa jalǵasty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir