Jetibaı aýylynda jylyjaı kesheni salynady

Mańǵystaý oblysynyń ákimi Serikbaı Trumov jumys saparymen Qaraqııa aýdanyna qarasty Jetibaı aýylyna bardy.

Aldymen óńir basshysy jańadan salynatyn jylyjaı keshenine bardy. Jobanyń qurylysy qyrkúıek aıynda bastalady dep kútilýde. Bastapqyda 2 ga jerge kókónister egiledi. Ony jergilikti aýyl turǵyny iske asyryp, ishki naryqty tabıǵı kókónispen qamtamasyz etýge nıetti. Búginde jylyjaı aýmaǵyna barlyq qajetti ınfraqurylym tartylǵan: avtonomdy sýmen qamtamasyz etý jáne elektr qýaty bar. Nysan aǵymdaǵy jyldyń sońyna deıin iske qosylyp, 40 adamdy jumyspen qamtymaq. О́ńir basshysy jańa jobany qoldap, sáttilik tiledi.

Budan keıin S.Trumov №4 orta mekteptiń jóndeý jumystarymen tanysty. Ǵımarattyń ishi men sportzalyna júrip jatqan kúrdeli jóndeýdi «Nurjol Qurylys» mekemesi júrgizýde. «Jumyspen qamtýdyń jol kartasy» baǵdarlamasy aıasynda 100-ge jýyq jergilikti maman jumysqa tartyldy. Atalǵan jumystar aǵymdaǵy jyldyń mamyr aıynda bastaldy. Bıyl tamyz aıynda ǵımarat paıdalanýǵa beriledi.

Sondaı-aq, oblys ákimine Jetibaı aýylynda modýldi kárizdik tazartý ǵımaratyn ornatý boıynsha iske asyrylyp jatqan jumystar baıandaldy. Búginde onda qurylys-montaj jumystary júrip jatyr. Sondaı-aq, 5 qudyq ornatylyp, toq jelisi júrgizilýde. Jobanyń qýattylyǵy 100 m3/saǵ. Qurylys jumystaryna "Jumyspen qamtýdyń jol kartasy" memlekettik baǵdarlamasy aıasynda jergilikti kadrlar (20 adam) tartyldy. Nysandy aǵymdaǵy jyldyń qazan aıynda tapsyrý josparlanýda.
Sonymen qatar, oblys ákimi aýylishilik avtomobıl joldarynyń jóndeý jumystarymen tanysty. Ortasha jóndeý jumystary aǵymdaǵy jyldyń mamyr aıynda bastaldy, shilde aıyna deıin jalǵasady. Merdiger: «Aqjol +K» JShS. Atalǵan jumystarǵa halyqty jumyspen qamtý ortalyǵy arqyly 50 adam tartylǵan. Serikbaı Trumov jumysty sapaly jáne ýaqytyly oryndaýdy tapsyrdy.

Budan keıin oblys ákimi jalǵa beriletin turǵyn úılerdiń qurylys alańyna bardy. 72 páterli turǵyn úı qurylysy 2019 jyldyń qarasha aıynda bastaldy. Merdiger: "Ońdasyn-stroı" JShS. Búgingi kúni jumystyń 20% aıaqtalyp tur. Alańda 46 maman jumys isteıdi. Qurylys merzimi - 11 aı.
Búginde Qaraqııa aýdany boıynsha turǵyn úı kezeginde 1039 adam tur. Onyń 435-i Jetibaı aýylynyń turǵyndary jáne 114-i apatty jaǵdaıdaǵy turǵyn úı sanaty boıynsha kezekte turǵandar. Kezekte turǵan turǵyndardy pátermen qamtý maqsatynda merdiger mekeme qosymsha tórtinshi qabatty qosa salý boıynsha usynys jasady. Oblys ákimi tehnıkalyq múmkindiktermen tanysa otyryp, usynysty qoldap, qajetti qujattardy daıyndaýdy tapsyrdy.

Sonymen qatar, oblys ákimi oqýshylar ortalyǵy ǵımaratynyń qaıta jańartý jumysymen tanysty. Bul jerde jumystar aǵymdaǵy jyldyń naýryz aıynda bastaldy. Jobaǵa sáıkes munda balalarǵa arnalǵan shyǵarmashylyq úıirmeler, sporttyq úıirmeler ashý josparlanýda. Merdiger mekeme: «Shans – 21» JShS. Nysan 2020 jyldyń tamyz aıynda paıdalanýǵa beriledi dep josparlanýda.