Nurotandyqtar Maqtaaralǵa myń tonnadan astam gýmanıtarlyq kómek jiberdi

Elbasynyń tapsyrmasy boıynsha «Nur Otan» partııasy jáne Tuńǵysh Prezıdent Qorynyń qoldaýymen «Birgemiz» qory muqtaj qazaqstandyqtarǵa ataýly kómek kórsetýdi jalǵastyrýda. Búginge deıin 200 myńnan astam otbasy azyq-túlik sebetteri men birinshi kezekte qajetti taýarlar aldy. 362 myń otbasyna 50 000 teńgeden tólenip, bul jalpy 1,3 mln-nan astam qazaqstandyqty qamtydy.

Osy rette «Nur Otan» partııasy Tóraǵasynyń birinshi orynbasary Baýyrjan Baıbek óziniń Instagram paraqshasynda júrgizilip jatqan jumystyń aralyq nátıjeleri týraly beınerolık jarııalady.

Sondaı-aq nurotandyqtar Túrkistan oblysyndaǵy sý tasqynynan zardap shekken aýyldardyń turǵyndaryna belsendi túrde kómek kórsetýde. «Nur Otan» partııasynyń barlyq fılıaldarynan azyq-túlik, kıim-keshek, qurylys materıaldary jáne jeke gıgıena quraldary túrindegi 1000 tonnadan astam gýmanıtarlyq kómek jiberildi.

«Memleket basshysy Qasym-Jomart Toqaev atap kórsetkendeı, sý tasqynynan zardap shekken turǵyndar tolyqtaı qaıta jóndeýden ótken nemese jańa salynǵan úılermen qamtamasyz etiledi. Áleýmettik nysandardy, ınjenerlik jeliler men joldardy qalpyna keltirýge 14 mıllıard teńgeden asa qarajat bólindi. Tuńǵysh Prezıdent Nursultan Nazarbaevtyń bastamasymen «Birgemiz» qory da qosymsha kómek kórsetedi. Qor Dostyq aýylynyń zardap shekken barlyq turǵynyn jańa baspanamen qamtamasyz etedi. Atap aıtqanda, olar úshin Myrzakent eldi mekeninde 20 úı salynady», - delingen beınerolıkte.

 

 

 

Posmotret etý pýblıkasııý v Instagram

 

 

Elbasy tapsyrmasyna sáıkes elimiz boıynsha «Nur Otan» muqtaj qazaqstandyqtarǵa ataýly kómek kórsetýdi jalǵastyrýda.

Pýblıkasııa ot Baýyrjan Baıbek (@baibekbk) 20 Maı 2020 v 10:01 PDT

Aıta keteıik, buǵan deıin «Nur Otan» partııasy Tóraǵasynyń birinshi orynbasary oblys ákimi О́mirzaq Shókeevpen birge bólingen jerlerdi arnaıy baryp aralap, jergilikti turǵyndarmen kezdesken edi. Bul jerde saman kesekten turǵyzylǵan úılerdiń ornyna gaz bloktarynan aýdany 100 sharshy metrdi quraıtyn 4 bólmeli úıler salynady. Osy maqsatta Qamqorshylyq Keńestiń sheshimimen «Birgemiz» qorynan 340 mıllıon teńge bólindi. Baýyrjan Baıbek qurylys jumystarynyń sapasy avtorlyq jáne tehnıkalyq baqylaý salasyndaǵy mamandardyń qatysýymen, erekshe partııalyq baqylaýda bolatynyn atap ótti.