Elordada qurylys nysandarynyń biri karantınge jabyldy. Bul týraly qala ákimdiginiń baspasóz qyzmeti habarlady.

"Skrınıng barysynda qurylys kompanııasynyń ınjenerinen koronavırýs anyqtaldy. Algorıtmge sáıkes, qurylys kompanııasynyń 600-den astam qyzmetkeri synaqtan ótip, 63-ten astam adamda koranavırýs rastaldy. Olardyń barlyǵy stasıonarda. Barlyq aýmaq dezınfeksııalandy", delingen saıt taratqan resmı habarlamada.

21 mamyrdaǵy jaǵdaı boıynsha Nur-Sultanda 10 nysan karantınge jabyldy. Qalada barlyǵy 1403 KVI jaǵdaıy tirkelip, 633 naýqas emdelip shyqty.

Ákimdiktiń mobıldi toby polıseılermen jáne epıdemıologtarmen birlesip kúndelikti negizde nysandardyń sanıtarlyq normalardy saqtaýy boıynsha reıd júrgizedi.

Osylaısha, sanıtarlyq normalardy buzǵany úshin elordada 25 nysan jabyldy. Olardyń ishinde qurylys kompanııalary, dúkender, kafeler, meıramhanalar bar.

"Nysandar qatań sanıtarlyq-epıdemıologııalyq normalardyń saqtalýyn qamtamasyz etpeıinshe ashylmaıdy. 150 kásiporynǵa eskertý jasaldy. Qatań erejeler koronavırýstyń taralýyna jol bermeý maqsatynda qabyldandy" delingen aqparattyq habarlamada.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir