Apple jáne Google kompanııalary koronavırýs juqtyrǵandardy baqylaıtyn qosymshany iske qosty

Álemge tanymal Apple jáne Google kompanııalary koronavırýs juqtyrǵan adamnyń ornyn anyqtaıtyn qosymshany iske qosty, dep Qamshy.kz aqparat agenttigi QazAqparat deregin negizge alyp habarlaıdy.

Bul qosymsha álemniń densaýlyq saqtaý organdaryna koronavırýstyń taralýyn qadaǵalaýǵa múmkindik beredi. Álemniń túrli elderiniń úkimeti endi bul tehnologııany aýrý juqtyrǵan naýqastardy jáne olarmen baılanysta bolýy múmkin adamdardy baqylaý úshin qoldana alady.

20-dan astam el naýqaspen baılanysta bolǵan adamdardy baqylaýǵa arnalǵan óz qosymshasyn shyǵardy, biraq Apple jáne Google kompanııalarynyń birlesip jasaǵan qosymshasy pandemııamen kúres prosesin edáýir jedeldetedi dep kútilýde.

Apple jáne Google 5 qurlyqtaǵy 22 memleket, sonymen qatar AQSh-tyń birneshe shtaty API-ge qol jetkizgenin málimdedi. Apple jáne Google kompanııalarynyń habarlaýynsha, koranavırýsy bar naýqastardy baqylaý tehnologııasy pandemııany jeńgen elderde birtindep óshiriledi.

Bul tehnologııa pandemııa aýqymyn jeńýge birshama kómektesedi. Sondaı-aq jahandyq ekonomıkany qalpyna keltirý prosesiniń bir bóligi bola alady.