• USD 468.56

  • EUR 497.56

  • RUB 7.3

  • CNY 67.18

29 Naýryz, 02:24:46
Almaty
+35°

Almaty oblysynda karantın rejımi saqtalady, karantındik sharalardy birte-birte bosańsytý jalǵasady. Oblystyń bas memlekettik sanıtarııalyq dárigeriniń jańa qaýlysyna sáıkes koronavırýs ınfeksııasynyń taralýy toqtalmaǵan aımaqtardy qospaǵanda, aýdandar men qalalar arasyndaǵy blokposttar alyna bastaıdy, – dep habarlaıdy Almaty oblysy ákiminiń baspasóz qyzmeti. 

Oblystyń bas memlekettik sanıtarııalyq dárigeri Qaırat Baımuhambetovtiń aıtýynsha, qoǵamdyq monshadan basqa monshalar, saýnalar, SPA, massaj ortalyqtary jáne t.b. qyzmet kórsetý nysandary jumystaryn bastaıdy.  

Mektepke deıingi uıymdardyń kezekshi toptary (jasy boıynsha) ashylady, shaǵyn komplektili bilim ortalyqtary, úıirmeler (jazylý boıynsha) qyzmetkerleri men balalardyń densaýlyq jaǵdaıyna baqylaý jasaı otyryp (termometrııa) jáne JRVI belgileri bar qyzmetkerler men balalardy shettete otyryp óz jumystaryn kirisedi. Qutqarýshylardy, tehnıkalyq qaýipsizdikke jaýaptylardy daıyndaıtyn jáne qaıta daıarlaıtyn mamandandyrylǵan oqytý ortalyqtary, sol sııaqty kúzet jáne basqa da arnaıy uıymdar jumystaryn qaıta jalǵastyrady.

50 orynǵa deıingi stadıondar ashylady. Qapshaǵaı qalasyndaǵy «Baldáýren» respýblıkalyq oqý-saýyqtyrý ortalyǵy» RMKK jumysyn bastaıdy.

Bul rette qoǵamdyq oryndardy, ónerkásiptik aýmaqtardy, áýejaılardy, aýlalardaǵy balalar alańdaryn jáne basqa da nysandardy sanıtarlyq jáne dezınfeksııalyq óńdeý jumystaryn júrgizý jalǵasady, barlyq nysandarda kúsheıtilgen sanıtarlyq-dezınfeksııalyq sharalar kúsheıtilip, maska kııý rejımi jappaı saqtalýy tıis.

Atalǵan qaýly 2020 jylǵy 18 mamyr kúngi saǵat 08.00-de kúshine enedi. Degenmen koronavırýs ınfeksııasynyń juqtyrýdyń jańa derekteriniń tirkelýine baılanysty epıdemıologııalyq ahýaldyń kúrdeli jaǵdaıy saqtalyp otyrǵan Talǵar, Kegen aýdandary men Taldyqorǵan qalasyna bul qaýlynyń qatysy joq. 

Almaty oblysy ákiminiń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir