Almatyda qoǵamdyq kólik jumysynyń ýaqyty uzartyldy

Almatyda qalalyq avtobýs marshrýttary 21 mamyrdan bastap saǵat 21:00-ge deıin jumys isteıtin bolady, dep habarlady qala ákimdiginiń baspasóz qyzmeti.

Bul rette jolaýshylar betperde taǵý jáne áleýmettik araqashyqtyqty saqtaý sııaqty sanıtarlyq normalardy qatań saqtaǵan jaǵdaıda ǵana qoǵamdyq kólikpen qatynaı alady.

Sondaı-aq avtobýs salonyndaǵy jolaýshylar sany otyratyn oryndardyń sanynan aspaýy tıis. Qala avtoparkteriniń birinde atap ótkendeı, eger barlyq oryndar bos emes bolsa, kelesi avtobýsty kútý kerek. Jolaýshylar aǵynynyń aıtarlyqtaı azaıýyna qaramastan, qala turǵyndarynyń yńǵaılylyǵy men kútý aralyǵyn qysqartý úshin qazir avtobýstardyń 90%-y jolǵa shyǵaryldy. Sonymen qatar jolaýshylar aǵynynyń ulǵaıýy baıqalǵan tanymal baǵyttarda jyljymaly birlikter sany artty.

Osy tusta sanıtarlyq normalardyń saqtalýyna jolaýshylardyń ózderi jaýapty ekenin atap ótken jón. SES qyzmetkerleri quqyq qorǵaý organdarymen birlesip qoǵamdyq kólikte tekserý uıymdastyrady.