Qazaqstanda kólik júrgizýshilerine arnalǵan ózgerister jarııalandy. Endi júrgizýshilerge ózimen birge qujattaryn alyp júrý mindetti emes. Sondaı-aq elde tehnıkalyq pasportsyz qoldanylǵan avtobólshekter satýǵa tyıym salynady, dep jazady Qamshy.kz aqparat agenttigi tengrinews.kz saıtynyń deregin negizge alyp.

– Avtokólik júrgizýshisine barlyq qujatty ózimen birge alyp júrýdiń qajeti joq degen normany engizgimiz keledi. Jeke kýálik jetkilikti, sebebi biz onyń qandaı kóligi bar ekenin, qansha senimhat berilgenin, saqtandyrý polısiniń qashan aıaqtalatynyn, tehnıkalyq baıqaýdan qashan ótkenin jáne onyń qansha aıyppuly bar ekenin planshet arqyly qaraı alamyz. Turǵyndarǵa qujat tolǵan ámııan ustap júrýdiń ne keregi bar – bir jeke kýálik jetkilikti, – dedi Turǵymbaev.

Ol mundaı júıe Eýropanyń keı elinde ǵana bar ekenin málimdedi.

– Bul tek Qazaqstan aımaǵynda ǵana jaramdy. Basqa memlekettiń aýmaǵyna kirgen kezde, árıne, barlyq jeke qujat bolýy kerek, – dedi mınıstr.

Sonymen qatar, endi Qazaqstanda tehnıkalyq pasportsyz qoldanylǵan avtobólshekter satýǵa tyıym salynady.

– El ishinde biz ishki saýda erejeleriniń zańnamalyq bóliginde birqatar bastamalardy júzege asyrdyq. О́tken maýsymda biz bir norma engizdik – avtomobılderdiń qosalqy bólshekterin tek mamandandyrylǵan dúkenderde satý kerek. Qazirgi ýaqytta biz mamandandyrylǵan dúkenderdi baqylaýdy kúsheıttik. Lombard qyzmetindegi sııaqty, qosalqy bólshekti avtomobıl bazaryna ótkizbes buryn, qojaıyny osy qosalqy bólshek alynǵan kóliktiń tehnıkalyq pasportyn jáne óziniń jeke kýáligin kórsetýge mindetti. Iаǵnı, naryqta biz paıdalanylǵan qosalqy bólshekterdiń qaısysy satylatynyn jáne olardy kim satylymǵa shyǵarǵanyn bilip otyramyz, – dedi ishki ister mınıstri.

"Qamshy" silteıdi
Ilmek sózder: Qazaqstan IIM kólik

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir