Eldegi 10 óńirde aýa raıyna qatysty eskertý jarııalandy

Qazgıdromet elimizdiń 10 óńirinde aýa raıyna qatysty eskertý jarııalady, dep habarlaıdy TJK baspasóz qyzmeti.

20 mamyrda Nur-Sultan qalasynda naızaǵaı oınap, ońtústik-batystan soqqan jeldiń jyldamdyǵy sekýndyna 15-20 metrge jetedi.

20 mamyrda Almaty qalasyndaǵy taý betkeılerinde kóshkin júrý qaýpi bar.

20 mamyrda Aqmola oblysynda jańbyr-burshaq jaýady, naızaǵaı oınap, tuman túsedi. Jeldiń ekpini sekýndyna 15-20 metrge jetedi.

Kúndiz Almaty oblysynyń basym bóliginde jańbyr keıde burshaq jaýady, naızaǵaı oınap, tuman túsedi. Jeldiń ekpini sekýndyna 17-22 metr bolady. О́ńirdegi taýda kóshkin-sel qaýpi bar.

20 mamyrda Batys Qazaqstan oblysynda naızaǵaı oınap, burshaq jaýady, jeldiń ekpini sekýndyna 15-20 metr bolady.

Qostanaı oblysynda naızaǵaı oınap, tuman túsedi, jeldiń ekpini sekýndyna 15-20 metrge jetedi.

Qyzylorda oblysynda naızaǵaı oınap, jeldiń ekpini sekýndyna 15-20 metr bolýy yqmtıal.

Mańǵystaý oblysynda shańdy daýyl soǵady, jeldiń ekpini sekýndyna 18 metrge jetedi.

20 mamyrda Soltústik Qazaqstan oblysynda naızaǵaı oınap, daýyl soǵady, burshaq jaýýy múmkin, tuman túsedi, jeldiń ekpini sekýndyna 15-20 metr, kúndiz sekýndyna 25 metr jetýi múmkin.

Túrkistan oblysynda daýyl soǵady, jeldiń ekpini sekýndyna 15-20 metrge jetedi.

Tótenshe jaǵdaılar komıteti turǵyndarǵa aýa raıynyń kúrt qubylýyn nazardan shyǵarmaýdy suraıdy. Daýyldy eskertý týraly habarlamaǵa qulaq asyp, qajetti saqtyq jasaý kerek. Jeldiń jyldamdyǵy sekýndyna 15-20 jáne tipti sekýndyna 30 metrge deıińn kúsheıedi. Eldi mekenderde qaýipsizdik tehnıkasynyń basty erejesin ustaný kerek. Shaǵyn qalalar men megapolısterde daýyl kezinde zardap shegý yqtımaldyǵy joǵary bolady. Qatty daýyl soqqanda úıdegi barlyq tereze tyǵyz jabylýy tıis. Tolyq jabylmaǵan balkon men lodjııadan qatty jel kezinde syrtqa úshyp ketýi múmkin barlyq zatty (qumyra, jáshik, shólmek jáne t.b.) alyp tastaý kerek. Turǵyn úı buryshyndaǵy balkondarda daýyl kezindegi ramasymen birge eski terezesi ushyp ketken jaǵdaı kezdesedi. Kóshede daýyl turǵan kezde jarnama qalqandary (jáne basqa da aspaly qurylymdar), avtobýs aıaldamasy, elektr baǵanasy men jelisi, sondaı-aq aǵashtardan barynsha alys turyńyz. Aınalańyzǵa saq bolyńyz, ústige qulap ketýi múmkin zattardan alshaq bolýyńyz. Úzilgen symdar men qulaıtyn zattarǵa (aǵashtarǵa) jaqyndaýǵa bolmaıdy.

«Qatty jel soqsa ol tyıylǵansha jaqyn mańdaǵy ǵımaratta nemese tabıǵı yqtasynǵa jasyryný qajet. Úlken aǵashtyń, ásirese terektiń astyna kólik qoıýǵa bolmaıdy, óıtkeni aǵash nemese onyń iri butaǵy qulap basyp qalýy múmkin. Shirigen jáne kári, sondaı-aq jalǵyz turǵan aǵashtar da óte qaýipti. Úıden shyqpańyzdar, jaqyndaryńyzdy qorǵańyzdar», delingen eskertýde.