2020 jyly respýblıkalyq mańyzy bar joldardyń 1089 shaqyrymy qalpyna keltiriledi. Byltyr bul kórsetkish 1101 shaqyrym bolǵan, dep habarlady ındýstrııa jáne ınfraqurylymdyq damý mınıstrligi.

Joldardyń 546 shaqyrymy resaıklıng ádisimen jóndelse, kedirli-budyrly bettik óńdeýmen joldardyń 287 shaqyrymy qamtylady. Asfalt-beton jabyndysy joldardyń 172 shaqyrymynda jańartylyp, 85 shaqyrym jol mıkrosıýrfeısıng tehnologııasymen jóndeledi.

Bıyl jóndeletin joldardyń birazy Qaraǵandy oblysyna tıesili. Munda «Qyzylorda – Pavlodar – Ýspenka  – RF shekarasy», «Qyzylorda – Pavlodar», «Jaırem – Qarajal – Atasý», «Jezqazǵan – Petropavl», «Aqshataý – Aǵadyr – Ortaý», «Qyzylorda – Pavlodar», «Nur-Sultan – Qabanbaı batyr – Entýzıast – Kıevka – Temirtaý» jáne «Qaraǵandy – Aıagóz – Tarbaǵataı – Buǵaz» joldary jóndeledi dep josparlanǵan. Ortasha jóndeýden ótetin joldardyń jalpy uzyndyǵy – 279 shaqyrym.

Ortasha jóndeý jumystary júrgiziletin joldardyń uzaqtyǵy boıynsha ekinshi orynda Qostanaı oblysy tur. О́ńirde bıyl joldardyń 110 shaqyrymy jóndeledi. Atap aıtqanda, «Denısovka – Jitiqara – Myqtykól – RF shekarasy», «Mamlıýtka – Qostanaı», «RF shekarasy (Ekaterınbýrg) – Almaty» joldary jóndeýden ótedi.

Aqmola oblysynda joldardyń 107 shaqyrymy jańartylady. Jóndeý jumystary «Kókshetaý – Atbasar», «Nur-Sultan – Petropavl», «Kókshetaý – Kishkenekól – Bıdaıyq – RF shekarasy (Omby), «Býrabaı kýrorttyq aımaǵyna aparatyn jol», «Kókshetaý burma joly» jáne «Nur-Sultan – Ereımentaý – Shiderti» joldarynda júrgiziledi.

Qazaqstandaǵy respýblıkalyq mańyzy bar joldardyń jalpy uzyndyǵy 24888 shaqyrymdy quraıdy.

Ilmek sózder: avtojol

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir