N.Nyǵmatýlın: Májilis depýtattary ózderi ázirlegen zań jobalarynyń sany artty

Búgin Májilis Spıkeri Nurlan Nyǵmatýlınniń tóraǵalyǵymen ótip jatqan jalpy otyrysta depýtattardyń zań shyǵarýshylylyq jumysyna basa nazar aýdaryldy. Bul týraly Nurlan Nyǵmatýlın halyqaralyq avtomobıl tasymaldaryn qadaǵalap otyrý máselelerine qatysty zań jobasyn talqylaý barysynda aıtty.

– Biz depýtattarymyzdyń bastamasymen ázirlengen taǵy bir zań jobasyn maquldadyq. Erekshe aıtý kerek, bizdiń depýtattardyń zań shyǵarý bastamashylyǵy osy sessııada óte joǵary. Mysaly, 41 Zań jobasyna depýtattar ózderi bastamashy boldy. Aldymyzda taǵy da onshaqty zań jobasy bar, – dedi Májilis Tóraǵasy.

Maquldanǵan qujatta Úkimetke halyqaralyq tasymaldardy qadaǵalap otyrý júıesiniń ulttyq operatoryn aıqyndaý boıynsha quzyrettilik berý usynylady. Sonymen qatar, halyqaralyq avtomobıl tasymaldaryn júzege asyrý kezinde elektrondyq sáıkestendirgishterdi (navıgasııalyq plombalardy) paıdalaný bóliginde tasymaldaýshylarǵa qoıylatyn talaptardy belgileý qarastyrylǵan.

Osylardyń qatarynda elektrondyq sáıkestendirgishterdi qasaqana búldirgeni nemese joıǵany úshin ákimshilik jaýaptylyqty engizý jáne elektrondyq sáıkestendirgishterdi paıdalaný tártibin salyq jáne bıýdjetke tólenetin basqa da mindetti tólemderdiń túsýin qamtamasyz etý salasynda basshylyqty júzege asyratyn ýákiletti organnyń bekitýi kózdeledi.

Májilistiń Baspasóz qyzmeti