Daily Star
Antarktıdada tájirıbe jasap jatqan NASA ǵalymdarynyń toby (ANITA) fızıka erejeleri qarama-qaıshy parallel ǵalamnan kelýi múmkin bólshekterdi anyqtady Bul týraly Qamshy tilshisi Daily Star basylymyna silteme jasap habarlaıdy.
– Parallel ǵalam týraly túsinik 1960-shy jyldardyń basynan bastap, negizinen ǵylymı-telehıkaıalar men komıksterdiń jankúıerleriniń oıynda boldy, biraq qazir ǵaryshtyq sáýlelerdi anyqtaý eksperımenti parallel álemnen týyndaıtyn bólshekterdi tapty,–dep habarlaıdy Daily Star.
Daily Star gazetiniń málimetinshe, Gavaıı ýnıversıtetiniń eksperımenttik bólshekter fızıgi Pıter Gorham bas zertteýshi bolǵan ANITA toby barlaǵan bólshekterdiń ýaqyty artqa qaraı júretini tujyrymdalýda.
Bul fenomenniń qarapaıym túsindirmesi: 13,8 mıllıard jyl buryn Úlken jarylys kezinde eki álem paıda boldy. Bireýi bizdiń álem jáne bireýi bizdiń ýaqytqa keri baǵytta júretin álem.
Aıta keteıik, Daily Star-dyń bul jańalyǵynan kóp ótpeı, brıtanııalyq Daily Mail basylymy "parallel ǵalamnan kelýi múmkin bólshekter" týraly derekterdiń ózge de álemdik jetekshi ǵalymdarǵa zertteý úshin berilgenin habarlady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir