Ahmetbek Nursıla Nazarbaevqa baılyǵyn halyqpen bólisý kerektigin aıtty

Jaqynda ǵana partııa qurǵysy keletinin jarııalap,  onyń atyn "Sen" dep qoıatynyn málimdegen kásipker Ahmetbek Nursıla eks-prezıdent Nursultan Nazarbaevqa baılyǵyn halyqpen bólisýdi talap etti. Bul týraly Qamshy tilshisi habarlaıdy.

Kásipker bul oıyn "haıp úshin jasadym" dep málimdegen vıdeosynda aıtty.

Ahmetbek Nursılanyń oıynsha, olıgarhtar jáne Qazaqstan Respýblıkasynyń burynǵy prezıdenti baılyǵyn halyqpen bólisýi kerek.

Kásipker málimdemesinde "Aınalaıyn, Muhtar Ábilıazov, seni de qýdalamaımyz. Alyp ketken aqshańdy alyp kel. Aýyl sharýashylyǵyna sal. Eldiń ıgiligine jarat. Ol aqshany sen Iýpıterden, Marstan áketken joqsyń ǵoı. Ol qazaqtyń aqshasy bolatyn" dedi.