"Tótenshe jaǵdaı rejımin buzý" jáne "Tótenshe jaǵdaı kezinde quqyqtyq tártipti buzýǵa ıtermeleıtin áreketter" babymen qamaýda bolǵan shymkenttik belsendi Rýslan Janpeıisov beıneúndeý arqyly málimdeme jasady.

Ol málimdemesinde ishki ister mınıstrinen, prezıdentten keshirim surap, budan bylaı polısııa qyzmetkerlerin vıdeoǵa túsirmeıtinin aıty.

– Sońǵy jeti jyl ishinde men Qazaqstandaǵy polısııa qyzmetin jaqsartýǵa óz úlesimdi qostym. Men qatelikter jasaǵan polısııalardy synǵa alyp, vıdeoǵa túsirdim. Munyń dáleli – tártiptik jaza, qyzmettik tergeý jáne qalǵandary. Men bul vıdeolardy kórgen basqa qyzmetkerler mundaı qatelikter jibermeıtinine jáne bul polısııanyń jumysyn jaqsartatynyna senimdi boldym. Biraq meni tyńdamady, túsinbedi, – dedi belsendi. 

Sonymen qatar, ol polısııa ustaý barysynda jasaǵan kezdegi áreketteri úshin prezıdent Qasym-Jomart Toqaevtan yńǵaısyzdanatynyn aıtty.
 
Janpeıisov bul málimdemeni jasaýǵa "qysym kórsetilmedi" dedi.
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir