Elordada mamyrdyń basynan beri Covid-19 juqtyrǵandar sany eki ese azaıdy, dep elorda ákimdiginiń resmı saıty habarlady.

 

– Jalpy, mamyrdyń birinshi aptasynda elordada 376 KVI oqıǵasy tirkelgen, ortasha ósim – 6,4%. Mamyr aıynyń ekinshi aptasynda 185 jaǵdaı tirkeldi, ortasha ósim – 2,3%. Jaǵdaıdyń eki esege azaıǵany baıqalady, ósim – 64%, – dep atap ótti S.Qısyqova.

Qalada barlyǵy 1 287 KVI jaǵdaıy tirkelgen. Onyń ishinde 683 adam stasıonarlarda, 602 adam (46,8%) saýyqqannan keıin shyǵaryldy, qaıtys bolǵan 5 adam.

О́tken táýlikte 36 jańa jaǵdaı tirkeldi (tirkelgenderdiń ósimi – 2,9%), onyń 21-i vırýs juqtyrǵandarmen jaqyn baılanysta bolǵan, al 9-y stasıonarda júrgen adamdar arasynda anyqtaldy. Taǵy bireýi óńirlerden kelgender arasynda, 5 jaǵdaı MSAK uıymdaryna ózi júgingender arasynan anyqtaldy.

Qalada 75 355 zerthanalyq zertteýler (PTR) júrgizildi. Táýligine 3 200 zertteý qýaty bar 5 vırýsologııalyq zerthana jumys isteıdi. Jaqynda ǵana táýligine 150 zertteý qýaty bar № 3 KQBA bazasynda taǵy bir zerthana ashyldy.

Búginde bekitilgen tártipke sáıkes qalanyń uıymdary men vedomstvolary boıynsha 35 904 ekspress-test bólindi. Onyń ishinde 31 721 (88%) test jasalyp, 417 (1,3%) jaǵdaı oń nátıje kórsetti. Barlyǵy PTR ádisimen tolyq tekserilgen. Onyń qorytyndysy boıynsha 4 emdelýshide KVI anyqtalyp, ınfeksııalyq stasıonarda emdelýde.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir