kaztag.kz
Memlekettik qaýipsizdik qyzmetiniń bastyǵy Qalmuhanbet Qasymovtyń "Qazaqstan" sanatorııiniń burynǵy prezıdenti Qazbek Sultan isine qatysy joq. Bul týraly ishki ister mınıstri Erlan Turǵymbaev málim etti, – dep habarlaıdy KazTAG.
"Memlekettik qaýipsizdik qyzmetiniń bastyǵy Qasymovty birge jumys istegen 20 jyldan beri bilemin. Sońǵy ýaqytta onyń orynbasary boldym. Ony kásibı maman ári tájirıbeli basshy dep sanaımyn. Eks-ishki ister mınıstri Qasymovtyń qylmystyq iske qatysy joq" degen mınıstr tergeý amaldary zań aıasynda prokýratýra qadaǵalaýymen ótip jatqanyn, aıyptalýshy taraptyń advokaty baryn, olardyń qylmysqa qatysy bar-joǵyn sot anyqtaıtynyn aıtty.
Buǵan deıin ishki ister mınıstrligine qarasty "Qazaqstan" sanatorııiniń burynǵy prezıdenti Qazbek Sultannyń áıeli Almıra Sultan kúıeýin memlekettik qaýipsizdik qyzmetiniń bastyǵy Qalmuhanbet Qasymovqa qarsy kýálik berýdi májbúrlegenin málimdegeni, mundaı talapty ishki ister mınıstri Erlan Turǵymbaev qoıǵany habarlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir