YouTube
Belgııalyq dárigerler koronavırýs jarlyǵyna baılanysty premer-mınıstrge narazylyq bildirdi. Bul týraly Qamshy tilshisi Sky News basylymyna silteme jasap habarlaıdy.
Belgııanyń medısınalyq qyzmetkerleri jaqynda qabyldanǵan biliktiligi joq qyzmetkerlerge meıirbıkelik mindetterdi atqarýǵa múmkindik bergen jarlyqqa narazy.
Premer-mınıstr Sofı Ýılmesti senbide Belgııa astanasy Brıýsseldegi eki aýrýhanaǵa resmı emes saparmen barǵanda salqyn qarsy aldy.
Dárigerler men meıirbıkeler Belgııa úkimetiniń koronavırýsqa qarsy áreketine qarsylyǵyn bildirip, premer-mınıstr aýrýhanaǵa kelgende teris qarap turdy.
Premer-mınıstr kóligi Marollen aýdanyndaǵy Sen-Per aýrýhanasyna kelgende túsirilgen kadrlarda ǵımarattyń kireberisindegi ondaǵan qyzmetkerdiń teris qarap turǵany kórsetilgen.
Bul koroldik jarlyqtyń koronavırýs pandemııasy kezinde biliktiligi joq qyzmetkerlerge meıirbıkelik mindetterdi atqarýǵa múmkindik beretin zańǵa qol qoıýyna jaýap retinde uıymdastyrylǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir