Aqtóbede jaqyndary men jaqtastary belsendi Serik Orazovty aqtyq saparǵa shyǵaryp saldy, dep Qamshy.kz aqparat agenttigi Azattyq deregin negizge alyp habarlaıdy.

Belsendi 15 mamyr kúni úıiniń aýlasynda polısııa qyzmetkerimen sózge kelgennen keıin júrek tusyn ustaı qulap, qaıtys bolǵan bolatyn.

Marqumnyń úlken qyzy Baıan Orazova súıekke sot-medısına saraptamasy jasalǵanyn aıtady. Baıan Orazova Azattyqqa kórsetken saraptama qortyndysynda «Serik Orazov júrek-qantamyr jetispeýshiliginen qaıtys boldy» dep jazylǵan.

– Úıden sap-saý kúıi shyǵyp ketken adamnyń ólimine polısııa qyzmetkeri sebepker boldy. Ákesindeı adamdy julqylap, dórekilik kórsetken ınspektordyń ústinen sotqa shaǵymdanbaqshymyz. Ákem ómir boıy munaı óndirisinde qara jumys istegen, eńbekqor ári adal adam edi. О́zi jetimdik pen joqshylyqty kóp kórgesin qoǵamdaǵy ádiletsizdikke jany tózbeıtin, – deıdi Baıan Orazova.

19 mamyrda 69 jasqa tolatyn Serik Orazovtyń janazasyna aqtóbelik belsendiler de kóp jınaldy. Keýde tusyna kók lenta taqqan olar janazadan keıingi shaǵyn mıtıngide «bılik belsendilerdi qýdalamasyn» dep talap qoıdy.

– Serik Orazov únemi polısııanyń ańdýynda boldy. Seriktiń ózi muny Aqtóbeniń burynǵy ákimi Mavr Abdýllınniń esep berý jıynynda da aıtqan. Qala ákimi sol jıynda Serikti «nemere baǵyp úıde otyryńyz, jastarǵa úlgi bolyńyz» dep «tárbıelemek» boldy. Uıat emes pe? Sóz joq! Adam emes, fashıst bolyp ketti ǵoı bul polısııa, – dedi ashynǵan belsendilerdiń biri Gúlnár Bekeshova.

О́zin Kábıra Muhambetova dep tanystyrǵan áıel Qazaqstan prezıdenti Toqaevqa úndeý joldap, «óz jerimizde tepirish kórip júrmiz, bılik belsendilerdi qýdalaýdy toqtasyn» dedi.

Marqumnyń týystary qazaǵa kóńil aıtyp, Serik Orazovtyń otbasyna Aqtóbe oblystyq polısııa departamentiniń basshysy Arystan Atyǵaıdyń kelip ketkenin aıtady.

Aqtóbe oblystyq polısııa departamentiniń baspasóz qyzmeti bul derek boıynsha qylmystyq kodekstiń 362-baby 1-bóligimen ("Bılikti nemese laýazymdyq ókiletin asyra paıdalaný") sotqa deıingi tergeý bastalǵanyn habarlady. Polısııa departamenti sotqa deıin tergeý naqty kimniń ústinen bastalǵanyn aıtpady, tek "oqıǵanyń jaı-japsary qylmystyq tergeý barysynda tekseriletinin" jetkizdi.

Aqtóbelik belsendi Serik Orazov 19 mamyrda 69 jasqa tolatyn edi. Ol 2016 jyly jerdi sheteldikterdi jalǵa berý zań jobasyna qarsy ótken Jer mıtıngine, 2019 jyly Qazaqstandaǵy Qytaı jobalaryna qarsy mıtıngige, quqyq qorǵaýshylar saıası tutqyn dep tanyǵandardy bosatýdy talap etken sharalarǵa, bılikke talap aıtqan beıbit mıtıngilerge qatysyp, kózge túsken. Birneshe ret aldyn ala josparlanǵan beıbit mıtıngiler aldynda polısııa Orazovty ustap, bólimshege aparǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir