17 Mamyr, 2020 NEWS

"Dıssertasııany qorǵaý kezindegi jarııalanymdarǵa qoıylatyn talaptar ózgerdi"

mediaon.kz

Dıssertasııany qorǵaý kezindegi jarııalanymdarǵa qoıylatyn talaptar qaıta qarastyryldy. Bul týraly Bilim jáne ǵylym mınıstri Ashat Aımaǵambetov Facebook paraqshasynda jarııalady.

– QR Bilim jáne ǵylym mınıstrliginiń tıisti buıryǵy QR Ádilet mınıstrliginde tirkeldi. Buǵan deıin doktorant qorǵaý kezeńine deıin jetý úshin 7 maqala jarııalaýy tıis bolatyn. Bul kórsetkishke qol jetkizý úshin doktoranttar sapasy kúmán týdyratyn jýrnaldarda jarııalanymdar jasaýǵa májbúr boldy. Bizdiń ǵalymdardyń maqalalary halyqaralyq bazalardan alynyp tastalǵan, túkke turmaıtyn jýrnaldarda jarııalanǵan kezder de boldy. Osyǵan baılanysty biz bul tájirıbeni ózgertý jóninde sheshim qabyldadyq, – dedi mınıstr.

Ol endi sapasy tómen jýrnaldarda 7 maqalanyń ornyna, joǵary kvartılge kiretin basylymdarda maqalalar jarııalansa jetkilikti dep atap ótti.

– Al birinshi kvartıl quramyna kiretin jýrnaldarda bir ǵylymı maqala shyqqan bolsa, ózge jarııalanymdar talap etilmeıdi. Bul shara sapasyz jarııalanymdardyń sanyn azaıtyp, júktemeni jeńildetedi jáne ǵalymdardy dáıeksózderi taralý boıynsha joǵary deńgeıdegi orıgınaldy ǵylymı maqalalar jazýǵa yntalandyrady, – dep jazdy A. Aımaǵambetov.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir