16 Mamyr, 2020 NEWS

Almatyda nóser saldaryn joıý jumystary ekinshi kún qatarynan júrgizilýde

almaty.gov.kz

14 mamyr kúni keshkilik Almatyda soqqan daýyl men nóser jańbyrdyń saldaryn qalalyq Tótenshe jaǵdaılar qyzmetiniń qoldaýymen 109 qyzmetiniń qutqarýshylary joıdy.

Sársenbi kúni keshki saǵat 20.00-de Alataý, Almaly, Áýezov, Bostandyq, Jetisý, Medeý, Túrksib aýdandarynda turǵyn úıler men basqa da sý basý qaýpi bar ǵımarattarda aldyn alý jumystary bastaldy.

Qutqarý qyzmeti bólimsheleriniń basty kúshteri men quraldary qala kóshelerinde jelden synǵan aǵashtardy jınap jáne Alataý aýdanynda ornalasqan jeke sektordyń aýlalarynan jańbyr sýyn soryp shyǵardy.

Nóser jańbyr men sekýndyna 15 metr jyldamdyqpen soqqan jeldiń saldaryn joıýdy 35 qalalyq qutqarýshy 11 birlik tehnıka, 2 motopompa kómegimen TJD qyzmetkerleri jáne aýdandyq ákimdikterdiń qoldaýymen júzege asyrdy.

Esterińizge salsaq, aýa raıynyń kúrt ózgerýinen jáne ótken sársenbi keshkilik megapolıste jaýǵan nóserdiń saldarynan Almatynyń ár aýmaǵynda bir kóshe men eki jeke aýlany sý basyp, 37 aǵashqa zaqym keldi.

Shuǵyl qabyldanǵan sharalardyń arqasynda sońǵy bir jarym kúnde qutqarýshylar jaǵdaıdy baqylaýǵa alyp, apat saldaryn joıdy.

Apat saldaryn joıý jáne qalpyna keltirý jumystary túngi ýaqytta da bir mınýtqa toqtaǵan joq jáne keıbir meken-jaılarda ol jumystar áli jalǵasýda.

«Qazgıdromet» RMK Almaty fılıalynyń habarlaýynsha, 14 mamyr kúni Almatyda daýyl bolatyny aldyn ala jarııalandy. Eki kún ishinde megapolıste 49,5 mm jaýyn-shashyn túsken. Sınoptıkterdiń boljamynsha jańbyrly aýa raıy 20 mamyrǵa deıin jalǵasady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir