• USD 468.56

  • EUR 497.56

  • RUB 7.3

  • CNY 67.18

29 Naýryz, 11:48:05
Almaty
+35°

Aqtóbede belsendi Serik Orazov 15 mamyr kúni ózi turatyn kóp qabatty úıdiń aýlasynda polısııa qyzmetkerimen sózge kelip, julqysqan soń biraz ýaqyttan keıin qaıtys boldy. Bul týraly belsendiniń týysy Marat Tańbaev aıtty, dep jazady Azattyq. Aqtóbe oblystyq polısııa departamenti belsendi qazasyn rastaǵan. 

Serik Orazovtyń qyzy Baıan Orazova "Úıimizdi únemi polısııa torýyldap júretin. Búgin (15 mamyr – red.) polısııa saǵat 10.30 shamasynda jeke sharýasymen shyǵyp bara jatqan ákemdi toqtatyp, túrli saýal qoıǵan. Aýladan shyǵarmaǵan. Ákemniń "Osy senderdiń mende neleriń bar? Jiberińder, jónimmen ketip bara jatqan adammyn!" dep ashýlanyp turǵan sáti aýladaǵy kameraǵa túsip qalǵan" dedi.

Qyzynyń sózinshe, ákesin polısııa qyzmetkeriniń julqylap jatqanyn kórip, kóp qabatty úıdiń aýlasyna kelini men uly júgire shyqqan. Baıan Orazova ákesi sol jerde qysylyp qalyp, týystary ony páterine alyp kirgenin aıtady.

Al týysqan inisi Marat Tańbaevtyń sózinshe, Serik Orazov úıge kirgen soń biraz ýaqyttan keıin jan tapsyrǵan.

- Jedel járdem aǵama kómektese almady. Aǵamnyń súıegine qazir saraptama jasalyp jatyr. Neden qaıtqany erteń, 16 mamyrda belgili bolady. Qalaı bolǵanda da úıden sap-saý kúıi shyqqan adamnyń ólimine polısııa sebepker boldy dep oılaımyn, - deıdi Marat Tańbaev.

Aqtóbe oblystyq polısııa departamentiniń baspasóz qyzmeti Serik Orazovtyń qazasynan habardar ekenin málimdedi jáne bul oqıǵa boıynsha Qylmystyq kodekstiń 362-baby 1-bóligi boıynsha ("Bılikti nemese laýazymdyq ókiletin asyra paıdalaný") sotqa deıingi tergeý bastalǵanyn habarlady. Polısııa departamenti sotqa deıin tergeý naqty kimniń ústinen bastalǵanyn aıtpady, tek "oqıǵanyń jaı-japsary qylmystyq tergeý barysynda tekseriletinin" jetkizdi.

Aqtóbelik belsendi Serik Orazov maýsym aıynda 69 jasqa tolar edi. Ol 2016 jyly jerdi sheteldikterdi jalǵa berý zań jobasyna qarsy ótken Jer mıtıngisine, 2019 jyly Qazaqstandaǵy Qytaı jobalaryna qarsy mıtıngige, quqyq qorǵaýshylar saıası tutqyn dep tanyǵandardy bosatýdy talap etken sharalarǵa, bılikke talap aıtqan beıbit mıtıngilerge qatysyp, kózge túsken. Birneshe ret aldyn ala josparlanǵan beıbit mıtıngiler aldynda polısııa Orazovty ustap, bólimshege aparǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir