Almatyda oıyn-saýyq ortalyqtary men kafeler qashan ashylady?

Almatyda saýda jáne oıyn-saýyq ortalyqtary qashan ashylýy múmkin ekeni belgili boldy, - dep habarlaıdy Qamshy.kz aqparat agenttigi qala ákimdiginiń jurtshylyqpen baılanys qyzmetine silteme jasap.

"25 mamyrdan bastap Almatyda qonaq úı keshenderin, qoǵamdyq tamaqtaný nysandaryn, SO (saýda ortalyqtary), SOO (saýda oıyn-saýyq ortalyqtary) jáne saýda úılerin kezeń-kezeńmen ashý máselesi qarastyrylady. Bul qaladaǵy epıdemıologııalyq jaǵdaıǵa baılanysty", - delingen qala ákimdiginiń habarlamasynda.

Sondaı-aq Almatyda 18 mamyrdan bastap týroperatorlar qyzmetinen shekteý alynady. Uıaly baılanystyń abonenttik bólimsheleri, ekinshi deńgeıli bank jáne qarjy sektorynyń basqa da uıymdary jumysqa tolyq orala alady. Bul taǵy 34,2 myń adamdy jumyspen qamtamasyz etýge múmkindik beredi.