Erteń prezıdent Qasym-Jomart Toqaevtyń týǵan kúni. Prezıdenttiń baspasóz hatshysy Berik Ýálı prezıdenttiń týǵan kúninde eshqandaı shara ótpeıtinin málimdedi. 
 
"Sońǵy kúnderi birqatar aqparat quraldarynyń ókilderi "Memleket basshysy týǵan kúnin qalaı atap ótedi?" degen saýal joldap jatyr.
Bıylǵy 17 mamyr jeksenbi kúnine sáıkes kelip otyr. Sondyqtan Qasym-Jomart Kemeluly úıinde jumys isteıdi. Atalǵan dataǵa oraı eshqandaı shara ótpeıdi. Tipti, Prezıdent Ákimshiliginiń qyzmetkerlerine týǵan kúnimen quttyqtamaý, estelik syılyqtar tartý etpeý týraly eskertý jasaldy. Prezıdent bul kúndi toılaǵandy unatpaıdy. О́ıtkeni ol kisiniń otbasynda balalardyń da, eresekterdiń de týǵan kúni toılanbaıdy eken. Ondaı dástúr qalyptaspaǵan.
 
Degenmen erteń Qasym-Jomart Kemelulyn týǵan kúnimen kórshiles memleketterdiń basshylary telefon arqyly quttyqtaıdy dep kútilýde. Qazirdiń ózinde kóptegen Memleket jáne Úkimet basshylarynyń, Parlament tóraǵalary men halyqaralyq uıym jetekshileriniń quttyqtaǵan jedel hattary kelip jatyr. Mundaı quttyqtaýlar erteń keshke deıin áli de jalǵasa beredi dep oılaımyn", - dep jazdy Berik Ýálı óziniń facebook paraqshasyna. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir