Taldyqorǵan qalasynda koronavırýs shyqqan oshaqtar anyqtalyp, karantınge jabyldy, dep habarlaıdy Qamshy.kz aqparat agenttigi QazAqparat deregin negizge alyp.

Búgin Taldyqorǵan qalasynyń memlekettik bas sanıtarlyq dárigeriniń qaýlysyna sáıkes, koronavırýs anyqtalǵan úıler karantınge alyndy. Indet oshaǵy retinde Dostyq shaǵyn aýdanyndaǵy N25-úıdiń bir podezi, Qablısa jyraý N211 E úıdiń 4-shi podezi jáne Slanov kóshesindegi N76 úı karantınge jabyldy. Endi bul turǵyn úılerden eshkimge dalaǵa shyǵýǵa ruqsat berilmeıdi.

Atalǵan mekenjaılar 16 mamyrdan 29 mamyrǵa deıin karantınde bolady, olardyń turǵyndaryna túsindirý jumystary júrgizildi.

Eske salsaq, Almaty oblysynda koronavırýspen aýyrǵan 201 adam tirkelgen. Onyń 7-eýi – Taldyqorǵan qalasynda anyqtalǵan.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir