16 Mamyr, 2020 NEWS

Sheteldik 87 azamat SQO-da ýaqytsha turýǵa ruqsat aldy

polisia.kz

87 sheteldik azamat SQO-da ýaqytsha turýǵa ruqsat aldy, dep Polisia.kz habarlady.

Soltústik Qazaqstannyń 8 myńǵa jýyq turǵyny karantındik sharalardyń saldarynan jeke basty kýálandyratyn qujattardy der kezinde resimdeı almady. Olardyń 1700-den astamy 16 jasqa tolǵan oblys turǵyndary, ıaǵnı ózderiniń alǵashqy jeke kýálikterin alýshylar. Olar 18 mamyrdan bastap Halyqqa qyzmet kórsetý ortalyǵynda qujattaryn resimdeı alady.

– Jaramdylyq merzimi TJ kezinde ótken jáne ol toqtatylǵan kúnnen bastap 60 kúntizbelik kún ishinde jeke basty kýálandyratyn qujattar jaramdy dep tanylady. Merzimi ótken qujattardy 10 shildege deıin aýystyrý qajet, – dedi SQO polısııa departamenti kóshi-qon qyzmetiniń basqarmasynyń basshysy Talǵat Ábilov.

13 mamyrda kóshi-qon qyzmeti ortalyǵy, sondaı-aq kóshi-qon qyzmetiniń aýmaqtyq bólinisteri barlyq sanıtarlyq normalarǵa sáıkes burynǵy rejımde jumys isteı bastady, olarǵa belgili bir memlekettik qyzmetterdi ár túrli ýaqytta alý kestesi jasaldy.

– Qazaqstan Respýblıkasynyń azamattyǵyn qabyldaý, shyǵý jáne qalpyna keltirý máseleleri boıynsha túske deıin, al 14.30-dan keıin – turaqty turýǵa ruqsat alýǵa júginýge bolady. Ýaqytsha turýǵa ruqsat pen eńbek patenti jumys kúni ishinde resimdeledi. Mundaı keste bir mezgilde kelýshilerdiń sanyn azaıtýǵa múmkindik beredi, – dep atap ótti Talǵat Ábilov.

TJ rejımi kezeńinde belgilengen merzimde elden kete almaǵan sheteldikterge qandaı da bir sharalar qoldanylmaıdy. SQO-da osyndaı jaǵdaıda karantın ýaqytynda 1500-ge jýyq sheteldik qalǵan.

– 10 shildege deıingi merzimde qosymsha qujattardy resimdemeı-aq QR tys jerge shyǵa alady. Al Qazaqstanda qalýdy josparlaǵandar óziniń quqyqtyq mártebesin retteýine, onyń ishinde QR-da ýaqytsha turýǵa arnalǵan ruqsatty resimdeı alady. Eńbek ımmıgranttary bizdiń elimizdiń sheginen tys jerge shyqpastan patent alý úshin júginýine bolady, – deıdi SQO PD Kóshi-qon qyzmeti basqarmasynda.

TJ rejımi toqtatylǵannan keıin alǵashqy eki kúnde SQO kóshi-qon qyzmetine 120-dan astam azamat ótinishterin tapsyrǵan, onyń ishinde 87 sheteldik azamatqa ýaqytsha turýǵa ruqsat resimdedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir