Mańǵystaý oblysyna kommýnaldyq qyzmetterdi jetkizýshilerdiń shyǵyndaryn óteýge 2,2 mlrd.teńge bólindi

Mańǵystaý oblysyna tótenshe jaǵdaı kezinde kommýnaldyq qyzmetterdi jetkizýshilerdiń shyǵyndaryn óteýge 2,2 mlrd.teńge bólindi.

Bul týraly oblystyq qoǵamdyq kommýnıkasııa ortalyǵynda ótken brıfıngte Mańǵystaý oblystyq energetıka jáne turǵyn-úı kommýnaldyq sharýashylyǵy basqarmasy basshysynyń orynbasary Nurlan Orynbasarov málimdedi.

Kommýnaldyq qyzmet kórsetýshilerge shyǵyndardy óteý týraly erejesine sáıkes, halyqtyń áleýmettik osal tobynyń kelesi 7 sanaty boıynsha jeke shoty bar adamdarǵa kómek beriledi.

Mańǵystaý oblysy boıynsha halyqtyń áleýmettik toptarynyń sany - 73 646. Jergilikti ákimdikterde koll ortalyqtary jumys istep, ótinimder qabyldanýda.  Búgingi kúni kommýnaldyq tólemder úshin 15 000 teńge boıynsha osy ýaqytqa deıin halyq tarapynan 26 568 ótinim tústi. Kommýnaldyq mekemelermen birlesip, azamattardyń jeke derbes shottaryn rastaý jumystary júrgizilýde.

Erejege sáıkes, tólemder sáýir aıy úshin mamyr aıynda, mamyr aıy úshin maýsym aıynda tólenetin bolady.

Bul maqsattarǵa respýblıkalyq bıýdjetten oblysymyzǵa 2,2 mlrd.teńge qarajat bólindi, onyń ishinde:

Aqtaý qalasy – 547,2 mln.teńge;

Jańazen qalasy – 431,7 mln.teńge;

Beıneý aýdany – 219,0 mln.teńge;

Munaıly aýdany – 606,1 mln.teńge;

Mańǵystaý aýdany – 183,3 mln.teńge;

Qaraqııa aýdany – 132,4 mln.teńge;

Túpqaraǵan aýdany – 83,4 mln.teńge.

Esterińizge sala keteıik, kommýnaldyq tólemge qatysty suraqtar men ótinishter boıynsha arnaıy call-ortalyq jumys isteıdi. Aqtaý qalasy boıynsha 30-11-55, «Whatsapp» jelisi 8775 400 09 96; О́mirzaq aýyly boıynsha 44-53-97, «Whatsapp» jelisi 8701 563 51 71, 8701 477 48 22