15 Mamyr, 2020 NEWS

Qazaqstanda meshitter qashan ashylady?

Kórneki sýret

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly 18 mamyrdan bastap meshitter ashylady dep málimdedi. 

– Alla qalasa, 18 mamyrda jeke qulshylyq jasap, Quran oqytyp, neke qıdyrýǵa nıet bildirgen azamattar úshin meshitterimizdi ashamyz. Osy sátte karantın talaptary qatań saqtalýy tıis. Al bizdiń ımamdarymyz bul mezette kúsheıtilgen rejımde jamaǵatqa qyzmet kórsetýi kerek. Qulshylyq úıin 3 saǵat saıyn taza aýamen almastyryp otyrýdy, meshitke kelýshilerge betperde men qolǵap kıip alýdy, dáret alǵanda, jeke qulshylyq jasaǵanda karantın talaptaryn qatań qadaǵalaýdy tapsyramyn, – dedi Naýryzbaı qajy Taǵanuly.

Bas múftı meshitke kelýshilerdi mynadaı talaptardy oryndaýǵa shaqyrdy:

  • Meshitke medısınalyq maska jáne qolǵap kıip kelý;
  • Antıseptikti jıi qoldaný;
  • Jeke qulshylyq jasaý kezinde 1 jarym metr araqashyqtyq saqtaý;
  • Quran oqıtyn bólmege 1 jarym metr araqashyqtyq saqtap otyryp, 10 adamnan artyq kirmeý;
  • Neke qıdyratyn bólmege 4 adamnan artyq kirmeý.

Eske sala keteıik, Ortalyq kommýnıkasııalar qyzmetinde ótken brıfıngte Bas múftı Naýryzbaı qajy Taǵanuly qasıetti Qadir keshin úıde ótkizýge shaqyrdy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir