AQSh áskerı ushqyshtary "NLO" týraly málimdedi

AQSh áskerı ushqyshtarynyń segiz beımálim ushatyn nysandy kórgeni týraly aqparat jarııalandy. Bul týraly Qamshy tilshisi The Express basylymyna silteme jasap habarlaıdy.

Belgisiz nysandardy óte jaqynnan kórý týraly málimet «aqparat bostandyǵy týraly» qujatta jarııalanǵan. Segiz túrli jekelegen málimette belgisiz ushpaly nysandar týraly jazylǵan. 

Aqparattardyń bireýinde áýe shary tárizdi nysannyń soqtyǵysy týraly habarlanǵan, al ekinshisinde áskerı ushqyshtyń chemodannyń úlkendigindeı tańqalarlyq ushaqty kórgeni jazylǵan.

Aqparattardyń jeteýinde 2013/14 jyldarda Vırdjınııa men Soltústik Karolına jaǵalaýyndaǵy áýe keńistiginde oryn alǵan oqıǵalar týraly jazylǵan. 

Málimetterdiń bárin "F / A-18E / F Super Hornet" joıǵysh ushaqtarymen ushatyn AQSh áskerı-teńiz kúshteriniń ushqyshtary jazǵan.

Aıta keteıik, Amerıka  ushqyshtary túsirgen belgisiz ushqysh nysan týraly úsh vıdeony eki apta buryn Pentagon resmı túrde jarııalaǵan bolatyn.