• USD 412.55
  • EUR 465.73
  • RUB 5.79
  • CNY 58.91

15 Mamyr, 2020 Saıasat

Turǵymbaev Qasymovqa qarsy kýálik berýdi buıyrǵany habarlandy

kaztag.kz

Ishki ister mınıstrligine qarasty "Qazaqstan" sanatorııiniń burynǵy prezıdenti Qazbek Sultannyń áıeli Almıra Sultan kúıeýin memlekettik qaýipsizdik qyzmetiniń bastyǵy Qalmuhanbet Qasymovqa qarsy kýálik berýdi májbúrlegenin málimdedi. Onyń sózinshe, mundaı talapty ishki ister mınıstri Erlan Turǵymbaev qoıǵan. Bul týraly ol óziniń facebook paraqshasyna jazdy. 

"Ishki ister mınıstri Turǵymbaevtyń buıryǵy boıynsha tergeýshiler M.Sarbasov jáne B.Esmahanov jubaıymnan burynǵy ishki ister mınıstri Q.Qasymov pen onyń orynbasary B. Bısenqulovqa qarsy kýálik berýdi talap etkenin bildim.

Birneshe aı buryn B.Esmahanov bastaǵan tergeý toby elde jarııalanǵan tótenshe jaǵdaı men karantın rejımine qaramastan, eshqandaı advokattyń qatysýynsyz meniń kúıeýimdi tergeýge aldy. Tergeý kezinde kúıeýime psıhologııalyq turǵydan qysym jasaǵan. Jáne manaǵydaı usynys aıtqan. Alaıda joldasym ol usynystan bas tartqan. Sebebi jubaıym eshkimge jala jappaıdy. Biraq óz bostandyǵynan aıyrylyp, 8 aı boıy negizsiz túrmede otyr. 

Biz tergeýdiń barlyq kezeńinde únsiz qaldyq. О́ıtkeni tergeýshiler "barlyq týystaryńdy túrmege jaýyp, uıymdasqan qylmystyq top qurý faktisi boıynsha is qozǵaımyz" dep qorqytty. Qysym jasalyp, qorqytqandyqtan ne isterimizdi bilmedik. Biraq jaqynda 25 jastaǵy qyzymyzdy ustady. Qyzym karantın kezinde úıde boldy, biraq ony da ákesi sekildi túrmege japqysy keldi. 8 aıdan keıin qyzymdy tergeýge kedergi keltirýi múmkin degen sheshim qabyldaǵany aqylǵa syımaıdy.

Kórsetilgen qysym men kúndelikti kúızelistiń kesirinen qyzym túsik tastady. Endi biz qoryqpaýǵa, únsiz qalmaýǵa sheshim qabyldadyq. Men eshkimdi qorqytqym kelmeıdi, jaı ǵana obektıvti tergeýdiń ótýin qalaımyn. Meniń jubaıym aýrý jáne qamqorlyqqa muqtaj bolǵandyqtan tergeý ızolıatorynan bosatylsa eken deımin" delingen Almıra Sultan jazbasynda.

Eske salaıyq, 5 mamyrda Almatyda ishki ister mınıstrligine qaraıtyn «Qazaqstan» sanatorııi burynǵy prezıdentiniń kenje qyzy Qazbek Sultannyń isi boıynsha ustaǵany habarlanǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir