Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly tótenshe jaǵdaı merzimi aıaqtalǵannan keıin meshitterde atqarylatyn sharalar týraly, qulshylyq úıine kelýshi azamattarǵa qoıylatyn talaptar jaıynda baspasóz máslıhatyn ótkizdi.
Prezıdent janyndaǵy Ortalyq kommýnıkasııalar qyzmetinde ótken brıfıngte Bas múftı Naýryzbaı qajy Taǵanuly qasıetti Qadir keshin úıde ótkizýge shaqyrdy.
– Bıylǵy Ramazannyń qasıetti Qadir keshi mamyr aıynyń 19-ynan 20-syna qaraǵan túnge sáıkes kelip otyr. 19 mamyrda meshit tańǵy saǵat 7:00 men keshki 20:00 aralyǵynda jumys isteıdi. Osy rette barshańyzdy Qadir keshin óz úılerińizde ótkizýge shaqyramyn. Tártipke baǵynýdy suraımyz. Bul – siz ben bizdiń, óz otbasymyz ben eń jaqyn týystarymyzdyń densaýlyǵy men ómiriniń ıgiligi úshin qabyldanǵan shara, – dep atap ótti Bas múftı.
Pikir qaldyrý
pikir