Elimizde jarııalanǵan tótenshe jaǵdaıǵa baılanysty tehnıkalyq jáne kásiptik bilim berý uıymdary qashyqtyqtan oqytýǵa kóshti.
 
ShQO bilim basqarmasy basshysynyń orynbasary Qajymuqan Ospanǵalıev óńirde tehnıkalyq jáne kásiptik baǵytta bilim beretin 82 uıym bar ekenin atap ótti. Onyń ishinde 48-i memlekettik, 34-i jekemenshiktiń ıeliginde.
 
Oblystaǵy kolledjder Sanvas, Moodle, Edu Page, Edus, Kúndelik, SOVA bilim platformalary men kolledjderdiń saıty arqyly stýdentterdi oqytý júıesine kóshti.
 
– Biz stýdentterdi elektrondy resýrstarmen tolyq qamtamasyz etý maqsatynda analız jasadyq. Nátıjesinde 501 adamda mundaı resýrs kózi joq ekeni anyqtaldy. Soǵan baılanysty 341 stýdentke noýtbýkterdi ýaqytsha tarattyq. Oblysta ınternet jelisi nashar ustaıtyn jáne ınternet jelisi múldem joq jerlerde turatyn 272 stýdent bar. Biz olarǵa tapsyrmany, testti, oqý materıaldaryn qaǵaz júzinde usynamyz. 230 stýdent pen 26 muǵalimge roýterler berildi. Bul óz kezeginde qashyqtyqtan oqytý júıesiniń jumysyn jeńildetti, - dedi Qajymuqan Ospanǵalıev.
 
Jalpy bilim beretin orta mektepter men kolledj túlekterine ıdeologııalyq, úgit-nasıhat jáne baǵyt-baǵdar berý jumystary júrgiziledi.  Mundaǵy basty maqsat – mamandyq tańdaýǵa kómek kórsetý. Balanyń erekshelikteri men qyzyǵýshylyqtaryn, ıkemdiligin baǵamdaı otyryp, oǵan mamandyq tańdaý kezinde durys baǵyt-baǵdar berý.
 
Osy maqsatta «Pýtevodıtel» baǵdarlamasy júzege asyrylýda. Onda 7-11 synyp oqýshylarynyń mamandyq tańdaýyna kómektesýge arnalǵan 176 kýrs bar. www.ctipo.kz saıtyndaǵy «Túlekke» degen bólimde onlaın rejımde balanyń qandaı mamandyqqa jaqyn ekenin anyqtaý maqsatynda test daıyndalǵan. Testtiń qortyndysy boıynsha mamandyqty tańdap, kolledjderge túsý úshin arnaıy kýrstarǵa jazylýǵa bolady. Bul kýrstar balanyń oı-órisin keńeıtýǵa septigin tıgizedi.
 
Tótenshe jaǵdaı jarııalanǵaly beri oblysta mektep jáne kolledj túlekterimen 26 onlaın kezdesý ótti. Oǵan 16 myńnan astam túlek qatysty. Onda balalardy qyzyqtyrǵan barlyq saýalǵa jaýap berildi. Túlekterdiń deni memlekettik grantty ıelený úshin qansha upaı jınaý kerek jáne ýnıversıtterde oqýǵa jeńildikter berile me degen suraqtardy qoıdy.
 
– Kolledjde jáne JOO-da bilim alǵysy keletin túlekterge kásiptik baǵyt-baǵdar berý jumystary onlaın rejımde jalǵasyn tabady. Mundaǵy basty maqsat – túlekterge oqý oryndary týraly tolyq aqparat berip, olardy álemdegi zamanaýı mamandyqtarmen tanystyrý, - dep qortyndylady Qajymuqan Ospanǵalıev.
"Qamshy" silteıdi
Ilmek sózder: onlaın rejım

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir