Nur-Sultannyń jastar saıasaty basqarmasy karantın kezinde JOO oqý aqysyn tóleı almaı otyrǵan stýdentterdiń máselesin sheshýge kómektesti. Bul týraly qala ákimdiginiń baspasóz qyzmeti habarlady.

Qazirgi ýaqytta qalada 1319 bitirýshi stýdent oqý aqysyn tóleı almaı otyr.

– Bul máseleni sheshý úshin JOO basshylarymen birlese, oqý aqysyn tóleı almaǵan 4 kýrs stýdentteriniń tólem merzimderin maýsym aıyna deıin uzartýǵa kelistik, – dedi qalanyń jastar saıasaty máseleleri basqarmasynyń basshysy Dáýlet Káribek.

Onyń aıtýynsha, ýnıversıtet tarapynan áleýmettik jaǵdaıy tómen stýdentterge jeńildikter jasalyndy. Mysaly, L.N. Gýmılev atyndaǵy Eýrazııa ulttyq ýnıversıteti – 114 stýdentke, Tehnologııa jáne bıznes ýnıversıteti – 72 stýdentke,  QazGZÝ – 29 stýdentke jáne «Turan-Astana» ýnıversıteti – 15 stýdentke jeńildik jasaǵan. 

Buǵan qosa, elordalyq jastar saıasaty máseleleri basqarmasy shet elde bilim alatyn (Varshava - 85, Máskeý - 149)  234 stýdentti Nur-Sultan qalasyna kútip alý, olardy qonaq úılerge jaıǵastyrý jáne basqa óńirlerge jóneltý jumystaryn júzege asyrdy. 

Sonymen qatar basqarma Qazaqstannyń ózge aımaqtaryna shet elderden (Kıpr-1, Reseı-37, Bolgarııa-2, Polsha-42 , Nıderlandy-16, Taıland-4 jáne Birikken Arab Ámirlikterinen-14) ushyp kelgen 116 stýdentti elordaǵa arnaıy avtokóliktermen alyp kelýdi uıymdastyrdy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir