24 Sáýir, 2020 NEWS

ShQO-da «Men batyrdyń urpaǵymyn!» atty ınternet-chellendj bastaý aldy

Kórneki sýret

Shyǵys Qazaqstan oblystyq ishki saıasat basqarmasynyń «Rýhanı jańǵyrý» óńirlik ortalyǵy «Men batyrdyń urpaǵymyn!» atty ınternet-chellendjdi bastady. Chelendj 1 sáýir men 5 mamyr aralyǵynda ótedi.
 
Internet-chellendj «Rýhanı jańǵyrý» baǵdarlamasynyń arnaıy jobalaryn,  «Uly dalanyń jeti qyry» maqalasy men Uly Otan soǵysynyń 75 jyldyǵyna oraı uıymdastyrylady.
 
Biz sizderdi atalmysh chellendjge qatysýǵa shaqyramyz. Ol úshin Instagram, Facebook, YouTube-taǵy  «Rýhanı jańǵyrý - Shyǵys Qazaqstan» toptaryna tirkelip, otbasylyq muraǵattan soǵysqa qatysqan týǵan-týystaryńyzdyń (jaýyngerler men tyl eńbekkerleriniń) sýretterin taýyp, jelige júkteý qajet. Sondaı-aq júktelgen sýrettiń tarıhy týraly qysqasha aqparat jazý kerek. Chellendjge qatysýshylar bul aqparatty tıýbıng retinde de usynyla alady. Aıta keteıik, tıýbıng – vıdeoblogtyń jańa túri.
 
Chellendjdi dos-jarandaryńyzǵa estafeta retinde usynýǵa bolady.
 
Biz bul chellendjge jastarmen qatar aǵa býyn ókilderi de qatysady dep senemiz. О́ıtkeni Shyǵys Qazaqstan oblysynda Uly Otan soǵysynyń zardaptaryn tartqan adam kemde-kem.
Ilmek sózder: ınternet-chellendjd

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir