• USD 468.56

  • EUR 497.56

  • RUB 7.3

  • CNY 67.18

29 Naýryz, 02:49:33
Almaty
+35°

Álemde qaýipti koronavırýstyq ınfeksııanyń taralýyna qaramastan mádenıet salasy óz jumysyn toqtatqan joq.

Shyǵys Qazaqstanda «Rýhanı jańǵyrý» baǵdarlamasynda júktelgen mindetterdi oryndaý maqsatynda 2017 jyldan beri «Ertistiń mýzyka álemi» atty joba júzege asyrylýda. Oǵan aımaq basshysy Danıal Ahmetov qoldaý kórsetip otyr. Bul týraly «Ertis konsert» KMQK-nyń dırektory Danııar Merǵalıev málim etti. Aıta keteıik, jobanyń maqsaty - shyǵysqazaqstandyq kompozıtorlardyń týyndylaryn saqtaý jáne ony halyq arasynda keńinen taratý. Sondaı-aq jergilikti kompozıtorlardyń, oryndaýshylardyń shyǵarmalaryn, aspaptyq, horeografııalyq shyǵarmashylyq týyndylaryn nasıhattaý. Shyǵys Qazaqstanda 2017 jyldan beri atalmysh joba aıasynda oblystyq, respýblıkalyq jáne halyqaralyq deńgeıdegi kóptegen is sharalar ótkizilýde. «Ertis konsert» KMQK-da kásibı horeografııalyq ansambl quryldy. Al bólek ótken jyly «Ertistiń mýzyka álemi» jobasy aıasynda «Ertis konsertte» «Big band» atty djaz orkestri men «Álem sazy» atty vokaldyq-aspaptyq ansambl óz jumysyn bastady. Bıyl ShQO-da ótetin is sharalar Abaı Qunanbaıulynyń 175 jyldyǵyna oraı uıymdastyrylady. Danııar Merǵalıevtiń aıtýynsha, tipti tótenshe jaǵdaı kezinde de ártister halyqty adamı jáne rýhanı turǵydan qoldaý maqsatynda jumys isteýde. «Biz birgemiz» aksııasy aıasynda «Ertis konsert» ujymy men qazaqstandyq estrada juldyzdarynyń qatysýymen onlaın konsertter uıymdastyrylýda. Búgin «Álem sazy» VIA men «Ertis konsert» solısteriniń qatysýymen ótken onlaın konsert áleýmettik jelilerde jarııalandy.

«Bıg-Bend» djaz orkestri konsertiniń túsirilim jumystary júrgizilýde. Budan bólek Solıst N.Qabdollaeva men "Altaı" folklorlyq ansambliniń qatysýymen "Shámshige arnaý" atty konsert túsirilýde. Sondaı-aq "Ertis konsert" solısteri A.Mazkenovanyń fortepıanoda súıemeldeýimen "Mýzyka dlıa dýshı" atty onlaın konsert ótkizýde. Sonymen qatar "Ertis konsert" jetekshi solısteriniń qatysýymen Uly Jeńistiń 75-jyldyǵyna oraı "Poklonımsıa tem velıkım godam" atty onlaın konsert uıymdastyrylýda. V.Tkach pen N.Qabdollaevanyń qatysýymen "Án - sherý" chellendji ótýde. Oǵan qatysqan dástúrli ánniń oryndaýshylary E.Rysqalı, T.Abýǵazy, M.Salyqpaev, A.Turǵanbaeva, Q.Oralbaeva Abaı Qunanbaıulynyń "Segiz aıaq" atty týyndysyn oryndady. Sondaı-aq "Kúı tartys" chellendjine orkestrler (ShQO ákiminiń sımfonııalyq orkestri men Baıjigit atyndaǵy qazaq ulttyq aspaptar orkestri) qatysýda.

ShQO aqparat ortalyǵy

"Qamshy" silteıdi
Ilmek sózder: onlaın konsert

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir