• USD 468.56

  • EUR 497.56

  • RUB 7.3

  • CNY 67.18

29 Naýryz, 08:53:23
Almaty
+35°

Jyl basynan beri jumysynan aıyrylýyna baılanysty memlekettik áleýmettik saqtandyrý qorynan (MÁSQ) áleýmettik tólem alýshylardyń sany 30,5 myń adamdy qurady, bul rette aǵymdaǵy jylǵy sáýir aıynda 3,2 myń azamatqa járdemaqy taǵaıyndaldy. Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Qoldanystaǵy zańnamaǵa sáıkes jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aırylýy boıynsha áleýmettik tólemder alady. Tólem joǵalǵan kiristiń 40%-yna deıingi mólsherinde MÁSQ qarajaty esebinen júzege asyrylady.

Tólem taǵaıyndaý úshin jumystan bosatylǵan qyzmetkerge:

  • Egov.kz portalynda avtorızasııalaný;
  • «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý;
  • Onlaın qyzmetke tapsyrys berip, barlyq alańdardy toltyryńyz jáne oǵan ESQ-men qol qoıyp, ótinimdi jiberińiz;
  • Bir kún ishinde sizdiń turǵylyqty jerińizdegi halyqty jumyspen qamtý ortalyǵy (budan ári – HJQO) sizge bos jumys oryndaryn usynady;
  • Eger jumys tabylmasa, 3 jumys kúni ishinde sizge qashyqtyqtan jumyssyz mártebesi beriletin bolady (qajet bolǵan jaǵdaıda qosymsha aqparat jınaý úshin sizben HJQO qyzmetkeri habarlasady).

Jumyssyz retinde tirkelgeni týraly málimetter bolǵan kezde Eńbek mınıstrliginiń aqparattyq júıesi proaktıvti formatta MÁSQ-tan tólemdi taǵaıyndaý boıynsha qyzmet kórsetýge kelisim berýge mobıldik telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.

Esterińizge sala keteıik, MÁSQ qarajaty esebinen jumysynan aıyrylǵan jaǵdaıda tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adamdy ol jumys izdegen kezeńde qoldaýǵa arnalǵan.

 

"Qamshy" silteıdi
Ilmek sózder: jumys MÁMS Qazaqstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir