Koronavırýs saý mysyqtan da juǵa ma?

"Mysyqtar koronavırýstyń eshqandaı belgileri baıqalmaı-aq basqa mysyqtarǵa aýrý taratýy  múmkin" deıdi zerthanalyq tájirıbe qorytyndysy. Bul týraly Qamshy tilshisi Associated Press-ke silteme jasap habarlaıdy.

Keıbir ǵalymdar vırýstyń adamdardan mysyqtarǵa juǵyp jáne adamdarǵa qaıtadan taralýy múmkin ekendigi týraly boljamdar jasaýda. Ol boljamdy naqtylaý úshin jalǵasty zertteý júrgizý kerek.

Vırýs sarapshysy Pıter Halfmannnyń aıtýynsha, bul qaýip týraly alańdaýshylyq bildirgenderdiń bári "jalpy sanaly gıgıenany" qoldanýy kerek. "Janýarlaryńyzdy súımeńiz jáne betińizdi taza ustańyz, ol janýar vırýsty juqtyrǵan bolýy múmkin" dedi ol.

Keıbir zertteýshiler toby úı janýarlary men adamdar arasynda kóptegen aýrýlardyń taraıtynyn atap ótti. Olar "gıgıena árdaıym mańyzdy: úı janýarlaryna qol tıgizbesten buryn jáne odan keıin qolyńyzdy jýyńyz, úı janýarlaryńyzdy jáne onyń taǵamdary men sý ydystaryn taza ustańyz" degen keńes berdi.