Mańǵystaýda 3-4 maýsymda túlekterge attestat tabystalady

Mańǵystaýda 3-4 maýsymda túlekterge attestat tabystalady dep jazady Qamshy.kz aqparat agenttigi. 
Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblystyq bilim basqarmasynyń basshysy Asqar Seıdalıev málimdedi.
О́zderińizge belgili, 16 naýryzdan bastap oblystaǵy barlyq bilim berý uıymdarynyń keıbiriniń jumystary qashyqtyqtan oqytý rejımine ótse, keıbiriniń jumysy múlde toqtatylǵan bolatyn.
Al, a.j. 7 mamyrdaǵy oblystyń bas sanıtar dárigeriniń «Karantın sharalaryn ózgertý týraly» №18 PGSV qaýlysyna sáıkes budan bylaı bilim berý uıymdary kelesi rejımde jumys jasaıtyn bolady.
Balabaqshalarda kezekshi toptar ashylyp, tárbıelenýshilerdiń ata-analarynyń jumys oryndarynan anyqtama talap etiledi.
Qazirgi kezde Beıneý, Mańǵystaý aýdandarynda balabaqshalardy ashýǵa taýarlar men kórsetilgen qyzmet sapasy men qaýipsizdigin baqylaý bólimderinen ruqsat berilgen joq.
Basqa aýdan, qalalarda 118 balabaqshada 1803 bala keledi.
Qazirgi kezde basqarma tarapynan kelesi jumystardy úılestirýge tapsyrma berildi, olar:
- Balabaqsha qyzmetkerlerin COVID-19 vırýsyna anyqtaıtyn PSR analızin anyqtaý testterinen ótkizý;
- Balabaqshalardaǵy sanıtarlyq-dezınfeksııalyq rejımdi qatań saqtaý, onyń ishinde balalardy tárbıeshilerdiń aýla syrtynan qabyldap , tapsyrýy, kúndelikti jumys sońynda oıynshyqtar men ydys aıaq, jıhazdardy dezınfeksııalaýy jáne t.b. jumystar;
- Kezekshi toptarda ártúrli jas toptarynyń balalary bolǵandyqtan olardy kishi toptarǵa bólý jáne olarǵa oqý josparlaryn ázirleý.
1. Mektepterterdiń qyzmeti qashyqtyqtan oqytý rejıminde jalǵasady. Muǵalimderdiń jalaqylary men eńbek demalystarynyń aqysy ýaqytyly tólenedi. Ol úshin bıýdjetten qarjy kólemi qarastyryldy (mamyr aıyna jalaqy 3,9 mlrd, otpýsk 750 mln tg, barlǵy 4,7 mlrd tg, maýsym aıyna 7,1 mlrd tg, jalaqy 2,2 mlrd tg, otpýsk 4,9 mlrd tg.)
Oblystaǵy 150 mektepte (139 kúndizgi, 6 keshki, 5 jekemenshik) 150 826 oqýshy jáne 12 534 muǵalim 6 sáýirden bastap qashyqtyqtan oqytylyp jatyrǵany belgili.
Tek Mańǵystaý aýdany Beki aýylynyń bastaýysh mektebiniń 32 oqýshysy «QazPoshta» tasymalymen tapsyrma joldaý arqyly oqytylady.
Shtattyq rejımde jumys jasaıtyn Qaraqııa aýdany Aqqudyq mektebi aýylǵa jaqyn ornalasqan Senek aýyly turǵyndarynan koronovırýs ınfeksııasy anyqtalýyna baılanysty 4 mamyrdan bastap qashyqtyqtan oqytýǵa aýystyryldy (23 oqýshy, 14 muǵalim).
Bólimdi jıyntyq baǵalaý (BJB) oqý júktemesi aptasyna 2 jáne odan artyq saǵatty quraıtyn oqý pánderi boıynsha 4-11 mamyrda, oqý júktemesi aptasyna 1 saǵatty quraıtyn oqý pánderi boıynsha 11-15 mamyrda ótkizildi.
18-22 mamyrda 1-10 synyptarda toqsandyq jıyntyq baǵalaý (TJB), al 11 synypta baqylaý jumysyn ótkiziledi.
Bıylǵy jyly 9 jáne 11 synyptarǵa qorytyndy attestasııa tapsyrmaıdy. Qorytyndy attestasııa jyldyq baǵalarmen baǵalanady.
Bıylǵy oqý jylynda 11 synypty 206 oqýshy Altyn belgimen (2019 j. - 159), 326 oqýshy Úzdik attestatpen (2019 j. - 216) bitiredi.
Attestat tapsyrý rásimi 3-4 maýsymda ótkiziledi. Bul merekeniń ereksheligi – saltanatty túrde attestat beriledi jáne sońǵy qońyraý soǵylady. Túlekter ádettegi mektep formasymen qatysady. Shara mindetti túrde mektep qabyrǵasynda, taza aýda, tek 11 synyp oqýshylar men ata-analardyń qatysýymen jáne barlyq sanıtarlyq normalardy saqtaı otyryp ótkiziledi.