13 Mamyr, 2020 Saıasat

AQSh ıadrolyq bombalaýshy ushaqtaryn Eýropaǵa jiberdi

The Sun

Amerıka strategııalyq ıadrolyq bombalaýshy ushaqtarynyń úsh túriniń barlyǵyn alys qashyqtyqqa jiberdi. Bul týraly Qamshy tilshisi The Sun gazetine silteme jasap habarlaıdy.

"B-2 Spirit" bombalaýshy, "B-52H Stratofortress" jáne "B-1B Lancer" áskerı ushaqtarynyń bári ıadrolyq bombalar men krýızdik zymyrandardy tasymaldaýǵa qabiletti. 

"Olar Eýropa jáne Úndi-Tynyq muhıty aımaǵynyń aspanynda ushty. Bul Reseı úshin, ásirese Qytaı úshin aıqyn sıgnal" dep jazdy brıtanııalyq The Sun gazeti.

Aıta keteıik, buǵan deıin Ońtústik Qytaı teńizindegi daýly aımaqtardaǵy shıelenis úshin AQSh eki ret soǵys kemeleri men áskerı ushaq tasýshy kemelerin jibergen.

Vashıngtonnyń bul qadamǵa barýyna Malaızııaǵa tıesili aýmaqta munaı burǵylap jatqan Panamanyń jalaýyn kótergen West Capella kemesine Qytaı kemeleriniń qysym jasaǵany týraly habarlamalar sebep bolǵan. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir