Endi qazaqstandyqtar 42 500 teńgeni uıaly telefon nómirimen ala alady. Bul týraly Eńbek jáne halyqty áleýmettik qorǵaý mınıstrligi habarlady. 

"42 500 teńge"áleýmettik tólemin bank shotynyń joqtyǵynan ala almaǵan azamattar endi ony IBAN shotyn usynbaı-aq, uıaly telefon nómirindegi "uıaly baılanys operatorynyń elektrondyq ámııanyndaǵy" jeke shoty arqyly ala alady.  Aǵymdaǵy jyldyń 6 mamyrynda Tótenshe jaǵdaı kezinde tabystan aıyrylýǵa baılanysty Memlekettik áleýmettik saqtandyrý qorynan (budan ári - MÁSQ) tólem taǵaıyndaý qaǵıdalaryna (budan ári - Qaǵıdalar) tıisti ózgerister engizildi", - delingen mınıstrliktiń habarlamasynda.

Uıaly baılanys operatorynyń elektrondyq ámııanynyń" shotyna áleýmettik tólem alý úshin SMS-habarlama arqyly óziniń kelisimin rastaýy qajet deıdi.

"Azamattan jaýap alǵannan keıin operator alýshynyń jeke sáıkestendirý nómirin (budan ári – JSN) tekserip, uıaly telefonynyń jeke shotyna aqshany jiberedi. Ony Halyq bankiniń bankomattary nemese Qazposhta bólimsheleri arqyly alýǵa bolady. Arnaıy mobıldi elektrondyq ámııan qosymshasynyń kómegimen 2000-ǵa jýyq qyzmettiń aqysyn tóleýge bolady. Mehanızm pılottyq tártipte júzege asyryldy. Bul nusqa Qytaıda, Úndistanda, birqatar Eýropa jáne Azııa elderinde sátti qoldanylýda", - deıdi vedomstvodaǵylar.

Ilmek sózder: Qazaqstan 42500 teńge

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir