Mańǵystaýda 2020 jyldyń birinshi toqsanynda 1,5 mlrd. teńge áleýmettik tólemder júrgizildi

Bul týraly oblystyq kommýnıkasııalar ortalyǵynda ótken brıfıng barysynda «Memlekettik áleýmettik saqtandyrý qory» AQ Mańǵystaý oblysy boıynsha fılıal basshysy Nursulý Konbaeva málimdedi.

-Mańǵystaý oblysy boıynsha «Memlekettik áleýmettik saqtandyrý qory» AQ (MÁSQ) 2020 jyldyń I toqsanynda 8463 alýshyǵa jalpy somasy  1,5 mlrd. teńge áleýmettik tólemder júrgizdi, onyń ishinde:

- eńbek etý qabiletinen aıyrylýy  boıynsha 310 alýshyǵa 7,1 mln.teńge;

- asyraýshysynan aıyrylýy boıynsha 46 alýshyǵa 2,4 mln.teńge;

- jumysynan aıyrylýy  boıynsha 2 381 alýshyǵa 75,5 mln.teńge;

- júktiligi jáne bosanýy, jańa týǵan balany (balalardy) asyrap alýy boıynsha 2 444 alýshyǵa 1,3 mlrd.teńge;

- bir jasqa tolǵanǵa deıingi bala kútimine  3 282 alýshyǵa 117,1 mln. teńge tólem aldy- dedi fılıal basshysy.

Qazaqstan Respýblıkasynyń Prezıdenti Q.K.Toqaevtyń elimizde tótenshe jaǵdaı (TJ)  engizilý kezeńinde shaǵyn, orta jáne iri kásipkerlik sýbektilerin qorǵaý (karantın rejımi engizilgen) jónindegi tapsyrmasyn oryndaý maqsatynda, 2020 jyldyń 1 sáýirinen bastap kirisinen aıyrylýy jaǵdaıyna 42 500 teńge mólsherinde áleýmettik tólem júrgizilýde.

Fılıal basshysy Nursulý Konbaevanyń málimdeýinshe, «Bul rette, memlekettik organdardyń, aksııalary jáne jarǵylyq kapıtalyndaǵy úlesteri tikeleı nemese janama túrde memleketke tıesili zańdy tulǵalardyń, ekinshi deńgeıdegi bankterdiń, bank operasııalarynyń jekelegen túrlerin júzege asyratyn uıymdardyń qyzmetkerlerine atalǵan tólem tólenbeıdi.

Mańǵystaý oblysy boıynsha 42 500 teńge áleýmettik tólem taǵaıyndaýǵa 407 719  ótinish tústi,  olardyń ishinde barlyǵy  154 017 adamǵa taǵaıyndaldy, jalpy somasy  6,5 mlrd. teńge.

Osylaısha, TJ kezeńinde MÁSQ qarjysy esebinen halyqqa aıtarlyqtaı áleýmettik kómek kórsetildi. Jumys berýshiler olar úshin MÁSQ ýaqtyly áleýmettik aýdarymdar tólegen mindetti áleýmettik saqtandyrý júıesiniń qatysýshylary atalǵan tólemdi ýaqtyly jáne tolyq kólemde aldy.

Sonymen qatar, bizdiń óńir boıynsha 2 807 adamǵa áleýmettik tólem taǵaıyndaýdan bas tartyldy.

Bas tartýdyń negizgi sebepteri:

- TJ engizilgenge deıin sońǵy 12 aı ishinde MÁSQ áleýmettik aýdarymdardyń túspeýi;

- eki jáne odan da kóp jumys berýshiden tabys alýy, onyń ishinde kásipkerlik qyzmetti qosa alǵanda, eńbek nemese kásipkerlik jumysyn jalǵastyrǵan (onyń ishinde qashyqtyqtan jumys istegen) nemese tólenetin demalys berilgen/ tólenetin jumystarynyń biri toqtap turǵan jaǵdaıda;

- bıýdjetten zeınetaqy tólemderi men járdemaqy,  sondaı-aq MÁSQ áleýmettik tólemniń basqa da túrin alýshylar, TJ engizilgennen keıin BJT alǵash ret tólegender».  

-42500 teńge tólem TJ kezeńinde kirisinen aıyrylýy jaǵdaıyna taǵaıyndalady.

Osyǵan baılanysty, atalǵan tólemdi taǵaıyndaýǵa ótinish bergende TJ kezeńinde kirisiniń bolmaýy týraly  jalǵan aqparat bergeni úshin árbir azamat  jaýapty bolady.

Bizdiń óńir boıynsha 1652   (adam) adal nıetti alýshylar atalǵan tólemdi TJ kezeńinde kiristeriniń bolýyna baılanysty óz erikterimen qaıtardy,- dedi Nursulý Konbaeva.

Onyń aıtýynsha, ekonomıkalyq jáne áleýmettik táýekelder aıaq astynan bolýy múmkin, sondyqtan áleýmettik saqtandyrylǵan adam jumys istemeıtin adamdarǵa qaraǵanda  basymdyqqa ıe bolady. Eger jumysqa turǵanda árbir azamat resmı túrde eńbek shartyn jasasa, onda jumys berýshi avtomatty túrde óziniń qarjysy esebinen MÁSQ áleýmettik aýdarymdar tóleıtin bolady jáne áleýmettik táýekelder týǵan jaǵdaıda atalǵan azamattar memleketten tıisti áleýmettik kómek alatyn bolady.

-Aǵymdaǵy jylǵy 12 mamyr kúngi jaǵdaı boıynsha 96 067 oblys turǵyndary  «42 500 teńge» tóleminiń ekinshisin aldy. Osy baǵyttaǵy jumys jalǵasýda,-deıdi fılıal basshysy.

MÁSQ Mańǵystaý oblysy boıynsha fılıalynyń baılanys telefondary: 46-85-22, 46-85-26.